ސިޔާސީ މުވައްޒަފުންގެ އަދަދު ހާމަކުރަން ގޮވާލައި ހުށަހެޅި ކުއްލި މައްސަލަ ބޭރު
މި މައްސަލައިގައި ބަހުސް ކުރުމާމެދު ގޮތެއް ނިންމަން ވޯޓަށް އެހުމުން، 59 މެންބަރުން ވަނީ މައްސަލަ ބޭރުކޮށްލަން ވޯޓު ދީފަ އެވެ. މައްސަލައާ އެކޮޅަށް ވޯޓް ދެއްވާފައި ވަނީ އެވަގުތު ތަޅުމުގައި ތިބި އެމްޑީޕީ ހަތް މެންބަރުންނެވެ.
އެކިއެކި މަގާމުތަކަށް ރައީސް ޑރ. މުހައްމަދު މުއިއްޒު އައްޔަނު ކުރައްވާފއއިވާ ސިޔާސީ މުވައްޒަފުންގެ އަދަދު ހާމަކުރުމަށް ސަރުކާރަށް ގޮވާލައި އިދިކޮޅު އެމްޑީޕީގެ ފަރާތުން ހުށަހެޅި ކުއްލި މައްސަލަ ބޭރުކޮށްލައިފި އެވެ.
މި ކުއްލި މައްސަލަ މަޖިލީހަށް ހުށަހެޅުއްވީ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ. ކުއްލި މައްސަލައިގައި މީކާއިލް ވިދާޅުވެފައި ވަނީ ދައުލަތުގެ ހަރަދުތައް ކުޑަކުރުރަން އަޅުއްވާ ފިޔަވަޅެއްގެ ގޮތުން ސަރުކާރުގެ އެކިއެކި މުއައްސަސާތަކާއި އިދާރާތަކުގައި ކުންފުނިތަކުގެ ބައެއް ފަރާތްތަކުގެ މުސާރަ ކުޑަކުރާއި، އެތަންތާ ތިބީ ކިހާ ސިޔާސީ މުވައްޒަފުންނެއްކަން ހާމަކޮށްފައި ނުވާ ކަމަށެވެ.
އޭނާ ވިދާޅުވީ މިއީ ސަރުކާރު ކުންފުނިތަކުގައި ތިބި އާދައިގެ މުވައްޒަފުންގެ މުސާރަ ކެނޑުމުގެ ކުރިން، ސިޔާސީ މަގާމުތަކުގާ ތިބި މީހުންގެ އަދަދު ހާމަކުރަން ގޮވާލާ ހުށަހެޅި ކުއްލި މައްސަލައެއް ކަމަށެވެ.
މި މައްސަލައިގައި ބަހުސް ކުރުމާމެދު ގޮތެއް ނިންމަން ވޯޓަށް އެހުމުން، 59 މެންބަރުން ވަނީ މައްސަލަ ބޭރުކޮށްލަން ވޯޓު ދީފަ އެވެ. މައްސަލައާ އެކޮޅަށް ވޯޓް ދެއްވާފައި ވަނީ އެވަގުތު ތަޅުމުގައި ތިބި އެމްޑީޕީ ހަތް މެންބަރުންނެވެ.
އަންނަ އަހަރަަށް ލަފާކުރާ ދައުލަތުގެ ބަޖެޓުގެ ހަރަދުތައް ކުޑަކުރުމުގެ ގޮތުން އެޅުމަށް ނިންމަވާފައިވާ ބައެއް ފިޔަވަޅުތައް ރައީސް ޑރ. މުހައްމަދު މުއިއްޒު ވަނީ ރޭ އިއުލާނު ކުރައްވާފަ އެވެ. އެގޮތުން ޝަރުއީ ދާއިރާގެ އިސްވެރިންނާއި ރައްޔިތުންގެ މަޖިލީހުގެ މެންބަރުންގެ މުސާރައިގެ 10 ޕަސެންޓް އުނިކުރުމާއި މިނިވަން މުއައްސަސާތަކުގެ އިސްވެރިންގެ މުސާރައިން 10 ޕަސެންޓް އުނިކުރައްވަން ގަސްތުކުރައްވާ ކަމަށް ވިދާޅުވި އެވެ.
އަދި ސިޔާސީ މަގާމުތަކުގައި ތިއްބަވާ ބޭފުޅުންނާއި ބޭންކުތައް ފިޔަވައި ސަރުކާރު ހިއްސާވާ ކުންފުނިތަކުގެ މުވައްޒަފުންގެ މުސާރައިން ވެސް 10 ޕަސެންޓް އުނިކުރައްވަން ނިންމަވާފައިވާ ކަމަށް ރޭ ރައީސް ވަނީ އިއުލާނު ކުރައްވާފަ އެވެ.
ކޮމެންޓް
Republic of Maldives