ވިސާ ހޯދުމެއް ނެތި ރާއްޖެއަށް 198 ގައުމުން އާދެވޭ
ދިވެހިންނަށް ވިސާއާ ނުލައި 98 ގައުމަކަށް ދަތުރު ކުރެެވެ އެވެ. މިއީ މި ސަރަހައްދުގެ އެންމެ ވަރުގަދަ ޕާސްޕޯޓެވެ.
ރާއްޖެއަކީ ޓޫރިޒަމް މަންޒިލަކަށްވުމުން އެންމެ މުހިންމު ކަމަކީ ފަސޭހައިން އާދެވޭނެ އިންތިޒާމެއް ހަމަޖެހުމެވެ. ހާއްސަކޮށް ގައުމަށް އެތެރެވާން އޮންނަ ވިސާ ހިލޭ ވުމެވެ. މިކަމަށް ކުރަމުންދާ މަސައްކަތުން ރާއްޖެ އަށް ވިސާއާ ނުލައި އާދެވޭ ގައުމުތަކުގެ ލިސްޓު 198 އަށް އަރައިފި އެވެ.
ރާއްޖެ އަށް ވިސާއާ ނުލައި އޮން އެރައިވަލް ވިސާ ލިބޭ ގޮތަށް އާދެވޭ ގައުމުތަކުގެ ތެރޭގައި ގިނައީ ޓޫރިސްޓުން އެންމެ ގިނައިން އަންނަ ގައުމުތަކެވެ. މީގެ އިތުރުން ރާއްޖެއަށް ޓޫރިސްޓުން އާއްމު ގޮތެއްގައި ނާންނަ ގައުމުތައްވެ ސް ހިމެނެ އެވެ.
ރާއްޖެ އަށް ވިސާ ފްރީ ގައުމުތަކުގެ ލިސްޓުގައި 198 ގައުމެއް އޮތްއިރު މި ސަރަހައްދުގެ އެންމެ ބާރުގަދަ ޕާސްޕޯޓެއް މިވަގުތު އޮތީވެސް ރާއްޖޭގަ އެވެ. ދުރާލާ ވިސާ ހޯދުމެއް ނެތި، ފަސޭހަކަމާ އެކު އެތެރެވޭ ޕާސްޕޯޓުތައް ބަލައިގެން ހެންލީ އެންޑް ޕާޓްނާސް އިން ނެރޭ ޕާސްޕޯޓް އިންޑެކްސްގައި އަދި ވެސް މި ސަރަހައްދުގައި އެއް ވަނާގައި އޮތީ ރާއްޖެ އެވެ.
މި ރޭންކިންގައި މި އަހަރު ރާއްޖެ އޮތީ 52 ވަނައިގަ އެވެ. ވިސާ ހޯދުމެއް ނެތި ރާއްޖޭގެ ޕާސްޕޯޓުގައި 94 ގައުމަށް ދަތުރުކުރެވެ އެވެ.
ކޮމެންޓް
Republic of Maldives