ފައިނޭންޝަލް ސާވިސަސް އޮތޯރިޓީއަށް ސީއީއޯއެއް ހޯދަނީ
އެ މަގާމަށް އެދި ހުށަހެޅުމަށް އިކޮނިމިކް މިނިސްޓްރީން ހުޅުވާލާފައި ވަނީ އަންނަ މަހުގެ ފަސްވަނަ ދުވަހުގެ ނިޔަލަށެވެ. މަގާމާ ގުޅޭ އިތުރު ތަފްސީލުތައް ހާމަކޮށްފައެއް ނުވެ އެވެ.
މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑްގެ ދަށުން ހިނގަމުންދާ މޯލްޑިވްސް އިންޓާނޭޝަނަލް ފައިނޭންޝަލް ސާވިސަސް އޮތޯރިޓީ (އެމްއައިއެފްއެސްއޭ) އަށް ޗީފް އެގްޒެކިއުޓިވް އޮފިސާ (ސީއީއޯ) އެއް ހޯދަން އިއުލާނު ކޮށްފި އެވެ.
އެ މަގާމަށް އެދި ހުށަހެޅުމަށް އިކޮނިމިކް މިނިސްޓްރީން ހުޅުވާލާފައި ވަނީ އަންނަ މަހުގެ ފަސްވަނަ ދުވަހުގެ ނިޔަލަށެވެ. މަގާމާ ގުޅޭ އިތުރު ތަފްސީލުތައް ހާމަކޮށްފައެއް ނުވެ އެވެ.
މި ސަރުކާރުން މީގެ ނުވަ މަސް ކުރިން އުފައްދާފައިވާ އެމްއައިއެފްއެސްއޭއަށް ސީއީއޯއެއް ހޯދަން އިއުލާނުކޮށްފައިވާއިރު، އެ އިދާރާގެ ޗެއާޕާސަންއަކީ ކުރީގެ ނައިބް ރައީސް އަދި ފިނޭންސް މިނިސްޓަރުކަން ކުރިން ކުރައްވާފައިވާ އަބްދުﷲ ޖިހާދެވެ. އިދާރާގެ އިސްވެރިންގެ ގޮތުގައި ތިބީ އެކިއެކި މާލީ އިދާރާތައް ރިޕްރެޒެންޓް ކުރައްވުމަށް އެއިން ކޮންމެ އިދާރާއަކުން އައްޔަނުކޮށްފައިވާ ބޭފުޅުންނާއި ލީގަލް ދާއިރާ ރިޕްރެޒެންޓް ކުރުމަށް ޕްރޮސެކިއުޓާ ޖެނެރަލް އައްބާސް ޝަރީފެވެ.
އެމްއައިއެފްއެސްއޭ އުފެއްދާފައި ވަނީ ސްޕެޝަލް އިކޮނޮމިކް ޒޯނުގެ ގާނޫނުގައި ފާހަގަކޮށްފައިވާ އޯފް-ޝޯ ފައިނޭންސިން ހިދުމަތްތަކުގެ އިތުރުން، އޮން-ޝޯ ފައިނޭންސިން ހިދުމަތްތައް ފޯރުކޮށްދިނުމަށް ބޭނުންވާ ގާނޫނީ އޮނިގަނޑު އެކުލަވައިލުމާއި ރާއްޖޭގައި އޯފް-ޝޯ/އޮން-ޝޯ ޑިވެލޮޕްމަންޓް ބޭންކުތަކާއި އިންޓާނޭޝަނަލް ފައިނޭންޝަލް ސެންޓަރުތައް ގާއިމުކުރުމާ ގުޅޭގޮތުން ކުރަންޖެހޭ މަސައްކަތްތައް ކުރުމަށެވެ.
އަދި ރާއްޖޭގެ މާލީ ބާޒާރު ތަރައްގީކޮށް ވާދަވެރި ނިޒާމެއް ގާއިމުކުރުމަށް ހުރި ގާނޫނީ އަދި އިދާރީ ހުރަސްތަކަށް ޒަމާނީ ހައްލުތައް ހޯދުމަށް ކުރަންޖެހޭ ދިރާސާތައް ވެސް މި އިދާރާއިން ކުރާނެ އެވެ.
ކޮމެންޓް
Republic of Maldives