ތިންހާސް ސިޔާސީ ވަޒީފާ އުފައްދާފަ މުސާރައިން 10 ޕަސެންޓް ކުޑަކުރަން ނިންމުމަކީ ދެބޯގެރި ދުއްވުން: ފައްޔާޒް

މިދިޔަ 11 މަސް ދުވަސްތެރޭގައި 3،000 އާ ގާތްކުރާ އަދަދަކަށް ސިޔާސީ ވަޒީފާ އުފައްދާފައިވާ ކަމަށާ ސިޔާސީ މަގާމުތަކުގެ މުސާރައިގެ ދިހަ އިންސައްތަ އުނިކުރަން ރައީސް ނިންމެވި ނިންމެވުމަކީ "ދެބޯގެރި" ދުއްވުމެއްގެ ގޮތުގައި އެމްޑީޕީގެ ޗެއާޕާސަން ފައްޔާޒް އިސްމާއީލް ސިފަ ކުރައްވައިފި އެވެ.

އެކްސް ގައި ކުރެއްވި ޕޯސްޓެއް ގައި ފައްޔާޒު ވިދާޅުވީ އާންމު ރައްޔިތުން އަތުން އަދި ވިޔަފާރިތަކުން ނަގާ ޓެކްސް އެތައް ތަނަކުން ބޮޑުކޮށްފައި ސިޔާސީ ވަޒީފާތަކުގެ މުސާރައިން 10 އިންސައްތަ އުނިކުރަން ނިންމި ނިންމުމަކީ ދެބޯގެރި ދުއްވުމެއް ކަމަށެވެ.

އަދި ވިދާޅުވީ މިވީ 11 މަސްދުވަހުގެ ތެރޭގައި 3000 އާ ގާތްކުރާ އަދަދަކަށް ސިޔާސީ ވަޒީފާ އުފައްދާފައިވާ ކަމަށެވެ.

"ރައްޔިތުންނަށް ވީ ވައުދާ އެއްގޮތަށް އެ އަދަދު 700 އަށް ކުޑަކޮށްފައި ނޫނީ ރައްޔިތުންގެ އަތުން ނަގާ ޓެކްސް ބޮޑުކުރާ ވާހަކަ ދެއްކުން ވެސް ލަދުވެތި،" ނިމިިދިޔަ ރައީސް ސޯލިހްގެ ސަރުކާރުގައި އިކޮނޮމިކް މިނިސްޓަރު ކަން ކުރެއްވި ފައްޔާޒު ވިދާޅުވި އެވެ.

އެކްސް ގައި މިރޭ ކުރެއްވި ޕޯސްޓެއްގައި ރައީސް ވިދާޅުވި ގޮތުގަައި އަންނަ އަހަރަށް ދައުލަތުގެ ބަޖެޓު ހުށަހަޅާއިރު، އިގްތިސާދީ އިސްލާހީ އެޖެންޑާގެ ދަށުން ދައުލަތުގެ ހަރަދުތައް ކުޑަކުރުމުގެ މަގްސަ ދުގައި ގިނަ ފިޔަވަޅުތަކެއް އެޅުމަށް އެމަނިކުފާނު ވާނީ ނިންމާފައެވެ. މިގޮތުން މުސާރަ އާއި ގުޅޭ ގޮތުން މުހިންމު ފިޔަވަޅުތަކެއް އެޅުއްވުމަށް ނިންމަވާފައިވާ ކަމަށް ވިދާޅުވި އެވެ.

ވިދާޅުވީ މިއީ ދެ އަހަރު ދުވަހުގެ މުއްދަތަށް އެޅުމަށް ނިންމާފައިވާ ފިޔަވަޅުތަކެއް ކަމަށެވެ. އެ ގޮތުން އެއް ކަމަކަށް ފާހަގަ ކުރެއްވީ ރައީސުލްޖުމްހޫރިއްޔާގެ ހައިސިއްޔަތުން އެމަނިކުފާނަށް ލިބިވަޑައިގަންނަވާ މުސާރައިގެ %50 ނުނަންގަވާ ގޮތަށް ހަމަޖެއްސެވުމަށް ދެންނެވުމަށެވެ.

ރައީސުލްޖުމްހޫރިއްޔާގެ މުސާރަ އަކީ މަހަކު 100،000 ރުފިޔާ އެވެ. އެހެން ކަމުން މި ބަދަލާ އެކު ކުރިއަށް އޮތް ދެ އަހަރު ދުވަހު ރައީސް މުއިއްޒު، މުސާރައިގެ ގޮތުގައި ނަންގަވާނީ މަހަކު 50،000 ރުފިޔާ އެވެ.

ދެން އަޅުއްވަން ނިންމެވި ފިޔަވަޅުތައް؛

ސަރުކާރު ހިއްސާވާ ކުންފުނިތަކުގެ ވެރީންގެ މުސާރަ ކުޑަކުރަން ނިންމެވިއިރު ބައެއް ކުންފުނިތަކުގެ ވެރީންނަކީ ވަރަށް ބޮޑު މުސާރައެއް ލިބިވަަޑައިގަންނަވާ ބޭފުޅުންނެވެ. އެ ގޮތުން ލައްކައަށް ވުރެ ބޮޑު މުސާރައެއް އެ ބޭފުޅުން ނަންގަވަ އެވެ.

ރައީސް ވިދާޅުވީ މި ފިޔަވަޅުތައް އެޅުމުގައި 12،000 ރުފިޔާއިން ދަށުން މުސާރަ ލިބޭ މީހުން އިސްތިސްނާކުރާނެ ކަމަށެވެ.

ރާއްޖޭގެ ދަރަނީގެ ނިސްބަތް ބޮޑުވެ ސަރުކާރުގެ ހަރަދުތައް އިތުރުވެ އިގްތިސާދީ ހާލަތު އޮތީ ނާޒުކު ފައްތަރެއް ގަ އެވެ. އެ ހާލަތު ބަދަލުކޮށް އިގްތިސާދު ދުޅަހެޔޮ ކުރުމަށް ސަރުކާރުން ދަނީ ގިނަ ފިޔަވަޅުތަކެއް އަޅަމުންނެވެ.