މަންމަ އަށް ވަޅިން ހަމަލާދީ މަރާލާނެ ކަމަށް ބުނި ދަރިފުޅު ހައްޔަރުކޮށްފި

ހުޅުމާލޭ ހިޔާ އަވަށުގެ އެޕާޓުމަންޓެއްގެ ތެރޭގައި އަންހެނަކަށް އޭނާގެ ދަރިފުޅު ވަޅިން ހަމަލާދީ އަނިޔާކޮށްފިއެވެ.

ފުލުހުން ބުނީ ހިޔާގެ 13 ވަނަ ޓަވަރުގެ އެޕާޓުމަންޓެއްގައި އަންހެނަކު ރޯ އަޑު އިވޭ ކަމަށް ރޭ 18:17 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

މި ރިޕޯޓާއި ގުޅިގެން ފުލުހުން އެ އޕާޓުމެންޓް ދޮރުގައި ޓަކި ޖެހުމުން އަންހެނަކު ދޮރުހުޅުވި ކަމަށެވެ. އަދި އެ އަންހެން މީހާގެ ދަރިފުޅު އޭނާ އަށް އަނިޔާކޮށް ވަޅިން ހަމަލާދީ މަރާލާނެ ކަމަށް ބުނެ އިންޒާރު ދީފައިވާކަމަށް އަންހެން މީހާ ބުނެފައިވާ ކަމަށެވެ.
އޭގެ އިތުރުން އަންހެން މީހާގެ ފޯނު ފޭރިގަނެފައިވާ ކަމަށްވެސް އަންހެން މީހާ އާ ހަވާލާދީ ފުލުހުން ވނީ ބުނެފައެވެ.

މި މައްސަލަ އާއި ގުޅިގެން ކޯޓު އަމުރެއްގެ ދަށުން މިއަދު ހައްޔަރުކޮށްފައިވަނީ ހ. އެހަޑަ، މުހައްމަދު އިސްމާއިލް 28އ، އެވެ.
އަނިޔާވި އަންހެން މީހާ އަށް ހޮސްޕިޓަލުގައި ފަރުވާދިނުމަށްފަހު ރޭގެ ވަގުތެއްގައި ވަނީ ދޫކޮށްލާފައެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.