ލެސޫކް ކޭޓަރިން | ނަގާ ކިޔަން ދިވެހިން، ކާމިޔާބު އިވެންޓެއް

އިވެންޓުތަކެއް ބޭއްވުން މެދުކަނޑާލުމަށްފަހު މިފަހުން ރާއްޖޭގައި އެންމެ ކުލަގަދަކޮށް ބޭއްވި އިވެންޓަކީ ނިމިދިޔަ ސްޕޯޓްސް އެވޯޑެވެ. ނުވަތަ ދިވެހި ކުޅިވަރުގެ އެންމެ ޝަރަފުވެރި އިވެންޓެވެ. މި އިވެންޓުގެ ހުރިހާކަމެއް ވެސް ފުރިހަމަ އަށް ދިޔައިރު މި ހަރަކާތް އިތުރަށް ފުރިހަމަ ވެގެން ދިޔައީ މުޅި އިވެންޓުގެ ކެއުމުގެ ކަންކަން އިންތިޒާމުކޮށްލުން މޮޅުވުމުންނެވެ. އެކަމުގެ ހުރިހާ ކްރެޑިޓެއް އޮތީ މި އިވެންޓުގެ ކޭޓަރިން ކުރިއަށް ގެންދިޔަ ލެސޫކް ކޭޓަރިން އަށެވެ. ގާތްގަނޑަކަށް 400 އަށްވުރެ ގިނަ މީހުންނަށް ކެއުންތައް ލެސޫކުން އިންތިޒާމުކޮށްލި ގޮތާމެދު އިވެންޓުގައި ބައިވެރިވި ކޮންމެ ކުޅިވަރުގެ ތަރިއަކާއި މި އެވޯޑް އިންތިޒާމު ކުރި ކުޅިވަރު މިނިސްޓްރީ އަށް ވެސް ވީ ބޮޑު ހިތްހަމަ ޖެހުމަށެވެ.

"މި އިވެންޓު ކާމިޔާބުކޮށް ދިއުމުގެ އެންމެ ބޮޑު ސަބަބަކީ އަޅުގަނޑުމެންގެ ޓީމް، ހުރިހާކަމެއް ކައިރިން ބަލަމުން އަޅުގަނޑު ގެންދިޔައިން. ހަމަ އެހެންވެ މި ޓީމުގެ ކޮންމެ ބައިވެރިއަކު ވެސް 100 ޕަސެންޓް ދީގެން ކުރި ބުރަ މަސައްކަތް މިއީ،" ލެސޫކްގެ ވެރިޔާ އަހުމަދު ޝާމިން ވިދާޅުވި އެވެ.

ހިދުމަތް ދިނުމުގައި ލެސޫކް ކޭޓަރިން މި ފަހަރު ވެސް "އެއްވަނަ" ހޯދިއިރު އެ ކުންފުނިން ވަނީ ކޭޓަރިންގެ ދާއިރާ އިން ގިނަ ކާމިޔާބީ ތަކެއް ވެސް ހޯދާފަ އެވެ.

މިދިޔަ އަހަރުތަކުގައި ގައުމީ ފެންވަރުގައި ބޭއްވި ހުރިހާ ބޮޑެތި އިވެންޓެއްގެ ކޭޓަރިން ކާމިޔާބުކަމާއެކު ނެގީ ލެސޫކް ކޭޓަރިން އެވެ. މިދިޔަ ދެ އަހަރު ސްޕޯޓްސް އެވޯޑުގައި ޑިނާއެއް ހިމެނޭހެން ފައިވް ކޯސް މެނޫއެއް ލެސޫކްއިން ދިނެވެ. މި ފަހަރު ވެސް މިވަނީ ވެލްކަމް ޑްރިންކްއެއް ހިމެނޭހެން ރީތިކޮށް ޑެކަރޭޓް ކޮށްފައިވާ ސްނެކް މެނޫއެއް ފޯރުކޮށް ދީފަ އެވެ.

މިހާރު މި ކުންފުނި ވެފައިވަނީ ކޭޓަރިންގެ ދާއިރާ އިން ރާއްޖޭން އެއްވަނާގައި ނަގައިލެވޭނެ ކުންފުންޏެއްގެ ގޮތުގަ އެވެ. މި އިވެންޓުން ވެސް ފެނިގެން ގޮސްފައިވަނީ އެ ކުޅަދާނަ ކަމެވެ.

ޝާމިން ވިދާޅުވި ގޮތުގައި ލެސޫކް ކޭޓަރިންގެ ބަދިގެ ސެޓަޕުން ފެށިގެން ހުރިހާ ޑިޕާޓްމަންޓުތަކުގެ އިސްވެރިންގެ ގޮތުގައި ތިބޭނީ ދިވެހިން ކަމަށާ މިފަހަރުގެ އިވެންޓުގެ ކަންކަމުގައި ޖުމްލަ 60 އެއްހާ މުވައްޒަފު ބައިވެރި އެވެ.

"މި ފަހަރު އިވެންޓު އޮތީ ޔޫތު ސެންޓަރުގަ. އެހެންވެ ވަކިން ޓެންޓެއް ކޭޓަރިންނަށް ހަދައިގެން. އެ ތަނުގައި ބަހައްޓައިގެން ކެއުންތައް ގެންގޮސް ސާވް ކުރީ،" ޝާމިން ވިދާޅުވި އެވެ.

މި ފަހަރުގެ ސްޕޯޓްސް އެވޯޑަށް ލެސޫކް ކޭޓަރިން އިން ދީފައިވަނީ ތަފާތު ކެއުމެކެވެ. ހާއްސަކޮށް ރީތިކޮށް ގާނިޝްކޮށްފައިވާ މި ޝޯޓް އީޓް މެނޫ ވެގެން ގޮސްފައިވަނީ އެތައް ބައެއްގެ ހިތް އަތުލައިގަތް ކަމަށެވެ. ހާއްސަ މި ކެއުންތައް ޑެކަރޭޓްކޮށްލާފައިވާ ގޮތް ގިނަ ބަޔަކު ގަޔާވި އެވެ. އެ ވާހަކަ އެތައް ކުޅިވަރު ތަރިންނެއް ދެއްކި އެވެ. މި އިވެންޓު އިންތިޒާމު ކުރި ޔޫތު މިނިސްޓްރީ ވެސް އޮތީ އެކަމާ ހިތްހަމަ ޖެހިގެންނެވެ. އެ މިނިސްޓްރީން ލެސޫކް އަށް ދެނީ "އޭ ރިޕޯޓް" އެކެވެ.

ސްޕޯޓްސް މިނިސްޓްރީގެ ސްޓޭޓް މިނިސްޓަރު އިބްރާހިމް އާމިރު (ސަލްސާ އާމިރު) ވިދާޅުވި ގޮތުގައި ކޭޓަރިންނަށް ލެސޫކް ހޮވުމަށްފަހު އެވޯޑް ކޮމެޓީ އިން ދިން މެނޫއަށް ލެސޫކް އިން ފޯރުކޮށް ދިން ހިދުމަތާ މެދު ވަރަށް ހިތްހަމަ ޖެހެ އެވެ.

"ކޮމެޓީން ބެލިން ރަހަތައް ވެސް ޑެކަރޭޝަން ވެސް. ވަރަށް ފުރިހަމަ އަށް ވަރަށް ޒަމާނީކޮށް ލެސޫކް އިން ކޭޓަރިން ފޯރުކޮށް ދިނީ. ޑެކަރޭޝަން ވެސް ވަރަށް ފުރިހަމަ. އަޅުގަނޑު އެހެން ފަރާތަކަށް ރެކޮމެންޑް ކުރާނަމަ ވެސް ލެސޫކް ރަނގަޅު ކަމަށް ބުނާނަން،" އާމިރު ވިދާޅުވި އެވެ.

ކާމިޔާބު މި އިވެންޓާއެކު ލެސޫކް އޮތީ ހިދުމަތް އިތުރަށް ވަރުގަދަ ކުރުމުގެ އަޒުމުގަ އެވެ. އެ އަޒުމުގައި އެ ކުންފުނިން ވަނީ އެއް ފަހަރާ 5،000 މީހުންނަށް ކޭޓަރިން ދެވޭ ވަރުގެ ވަސީލަތް ހޯދާ ތައްޔާރުވެފަ އެވެ.

ލެސޫކް ކޭޓަރިން އަށް ގުޅާނެ ނަމްބަރު -- 7778964