އިޒްރާއިލް ބޮޑު ވަޒީރުގެ ގެ ކޮޅަށް ޑްރޯން ހަމަލާ ދީފި
ހިޒްބުﷲ އިން އިޒްރާއިލަށް މީގެ ކުރިން ދިން ހަމަލާގައި އިޒްރާއިލްގެ ހަތަރު ސިފައިންގެ މީހުން މަރުވެފަ އެވެ.
ހައްދުފަހަނަ އަޅާފައިވާ އަނިޔާވި އިޒްރޭލުގެ ބޮޑު ވަޒީރު ބެންޖަމިން ނަތަންޔާހޫގެ ގެކޮޅަށް ހިޒްބުﷲ އިން ހަމަލާ ދީފި އެވެ.
ހިޒްބުﷲ އިން ވަނީ މިއަދުގެ ވަގުތެއްގައި އިޒްރޭލުގެ މެދުތެރޭގައި ހުންނަ ބޮޑު ވަޒީރުގެ ގެކޮޅަށް ޑްރޯން ބޭނުންކޮށްގެން ހަމަލާތަކެއް ދީފަ އެވެ.
އިޒްރޭލުގެ ސިސޭރިއާ އަވަށުގައި ހުންނަ ނަތަންޔާހޫގެ ގެކޮޅަށް ހަމަލާ ދިންއިރު އެ ގައުމުގެ ވައިގެ ދިފާއީ ނިޒާމް މަސައްކަތް ނުކުރާ ކަމަށްވެ އެވެ. އިޒްރޭލުގެ ސިފައިން ބުނެފައިވާ ގޮތުގައި ބޮޑު ވަޒީރުގެ ގެކޮޅަށް ހަމަލާ ދޭން ހިޒްބުﷲ އިން ބޭނުންކޮށްފައިވަނީ ދެ ޑްރޯނެކެވެ.
ހިޒްބުالله އިން މިދިޔަ ހަފުތާގައި ވެސް ވަނީ އިޒްރާއިލަށް ވަރުގަދަ ހަމަލާއެއް ދީފަ އެވެ. މި ހަމަލާ ދީފައިވަނީ އެ އިޒްރާއިލްގެ އެންމެ ވަރުގަދަ ލަޝްކަރު ކަމަށްވާ ގޯލާނީ ބްރިގޭޑުގެ ސިފައިންނަށް ހަމަލާ ދީފަ އެވެ. މި ހަމަލާގައި ހަތަރު ސިފައިންގެ މީހުން މަރުވެފަ އެވެ.
ކޮމެންޓް
Republic of Maldives