ފިހާރައެއްގެ ދޮރު ހަލާކުކޮށްލައިގެން ވަދެ ވައްކަންކުރި ތިން މީހަކު ހައްޔަރު ކޮށްފި
އެ ފިހާރައިން އެ މީހުން ވަގަށް ނަގާފައިވާ ކަމަށް ބެލެވޭ ފައިސާ އާއި ސިގިރޭޓް ކާޓޫންތަކެއް ހޯދާފައިވާ ކަމަށެވެ. އެ މީހުންގެ ވަނަވަރާއި ފޮޓޯ ވެސް ފުލުހުން ވަނީ އާންމުކޮށްފަ އެވެ.
ފުލުހުން ބުނީ ރޭ ފަތިހު 4:20 އެހާކަންހާއިރު ފުލުހުން މާލެތެރެ ޕެޓްރޯލް ކުރަމުން ދިޔައިރު މާވެޔޮމަގުގައި ހުރި ފިހާރައެއްގެ ދޮރު ހަލާކުކޮށްލައިގެން ވަދެ ވައްކަން ކޮށްފައިވާ ކަމަށް ފާހަގަ ކުރެވުނު ކަމަށެވެ. އެހެން ކަމުން ސީސީޓީވީ ފްޓޭޖް ބަލައިގެން އެކަން ދެނެގަނެ ވައްކަން ކުރި ކަމަށް ތުހުމަތު ކުރެވޭ ތިން މީހުން ހޯދާ ހައްޔަރު ކޮށްފައިވާ ކަމަށް ބުންޏެވެ.
އަދި އެ ފިހާރައިން އެ މީހުން ވަގަށް ނަގާފައިވާ ކަމަށް ބެލެވޭ ފައިސާ އާއި ސިގިރޭޓް ކާޓޫންތަކެއް ހޯދާފައިވާ ކަމަށެވެ. އެ މީހުންގެ ވަނަވަރާއި ފޮޓޯ ވެސް ފުލުހުން ވަނީ އާންމުކޮށްފަ އެވެ. އެއީ؛
- އިބްރާހިމް މުހައްމަދު - ދަނބުރުއްދޮށުގެ / ރ. އިނގުރައިދޫ
- މުހައްމަދު ސަބާހު - ލިލީގެ / ގދ. ވާދޫ
- އިހުސާން އިބްރާހިމް - އަތަމާގެ / ގދ. ވާދޫ
މި މީހުންގެ ބަންދާމެދު ގޮތް ނިންމަން ވަނީ ކޯޓަށް ހާޒިރުކޮށްފަ އެވެ. ކޯޓުން ވަނީ އިހުސާންގެ ބަންދަށް 30 ދުވަސް އަދި ސަބާހާއި އިބްރާހިމްގެ ބަންދަށް 15 ދުވަސް ޖަހާފަ އެވެ.
ކޮމެންޓް
Republic of Maldives