ޕީޕީއެމްގެ ސެނެޓް ބައްދަލްވުން: ޕާޓީ އުވާލަން މަޝްވަރާއެއް ނުކުރޭ
ޕީއެންސީގެ ވެރިކަން ފެށުމާއެކު ޕީޕީއެމްގެ ހަރަކާތްތައް މުޅީން ހުއްޓާލި އެވެ. އެ ޕާޓީގެ މެންބަރުން ޕީއެންސީއަށް ބަދަލު ކުރުމުގެ މަސައްކަތް މިހާރު ވަނީ ފަށާފަ އެވެ.
މިއަދު އޮތް ޕީޕީއެމްގެ ސެނެޓް ބައްދަލްވުމުގައި އެ ޕާޓީ އުވާލަން މަޝްވަރާ ކޮށްފައިވާ ކަމަށް ދެކެވޭ ވާހަކަތައް އެ ޕާޓީން ދޮގުކޮށްފި އެވެ.
ވަރަށް ގިނަ ދުވަސްތަކެއް ފަހުން ޕީޕީއެމްގެ ސެނެޓް ބައްދަލްވުމެއް ބޭއްވީ މިއަދު މެންދުރު 2:00 ގަ އެެވެ. ބައްދަލްވުން އޮތީ ޕީއެންސީގެ އޮފީހުގަ އެވެ.
މިއަދުގެ ބައްދަލްވުމަށް މެންބަރުންނަށް މެސެޖު ފޮނުވީ އެ ޕާޓީގެ ކުރީގެ ސެކްރެޓަރީ ޖެނެރަލް ތޮލާލެވެ. އޭނާ އަކީ މިހާރު ކޮމިޝަނާ އޮފް ސްޕޯޓްސް އެވެ. އެ މަގާމުގައި ހުރެގެން ސިޔާސީ މަސައްކަތް ކުރުމަކީ މަނާ ކަމެކެވެ.
ޕީޕީއެމްގެ ސެނެޓް ބައްދަލްވުމެއް އެޖެންޑާ ކުރުމާއެކު އެ ބައްދަލްވުމުގައި އޮތީ ޕާޓީ އުވާލުމުގެ މަސައްކަތް ކަމަށް ބުނެ އަޑުފެތުރުނެވެ. އެކަމާއި ގުޅޭގޮތުން ސުވާލު ކުރުމުން އެ ޕާޓީން ބުނީ އެއީ ދޮގެއް ކަމަށެވެ.
"ޕީޕީއެމް އުވަލަން މަޝްވަރާ ކުރެވިފައެއް ނުވޭ" ޕީޕީއެމުން ބުންޏެވެ.
ސިޔާސީ ޕާޓީތަކުގެ ދަފްތަރުގައިވާ ގޮތުން ޕީޕީއެމް ގައި 34698 މެންބަރުން އެބަ ތިއްބެވެ. ޕީއެންސީ ގައި ތިބީ 28983 މެންބަރުންނެވެ.
ޕީއެންސީގެ ވެރިކަން ފެށުމާއެކު ޕީޕީއެމްގެ ހަރަކާތްތައް މުޅީން ހުއްޓާލި އެވެ. އެ ޕާޓީގެ މެންބަރުން ޕީއެންސީއަށް ބަދަލު ކުރުމުގެ މަސައްކަތް މިހާރު ވަނީ ފަށާފަ އެވެ. ޕީޕީއެމްގެ އިސް ވެރީން ތިބީ ވެސް އެގޮތަށް ރުހިގެންނެވެ. ޕާޓީގެ ދެ ނާއިބުން ކަމަށްވާ މުހައްމަދު ޣައްސާން މައުމޫނާއި އަހްމަދު ޝިޔާމް ހުންނެވީ ކެބިނެޓް ގަ އެވެ.
ކޮމެންޓް
Republic of Maldives