އަމާޒަކީ ވިލިމާލެ 100 އެނދުގެ ހޮސްޕިޓަލް ދެ އަހަރުތެރޭ ހުޅުވުން

ޗައިނަ ސަރުކާރުގެ ހިލޭ އެހީގެ ދަށުން ހުޅުމާލޭގައި އަޅާ ހޮސްޕިޓަލް ކުރިއަށް އޮތް ދެ އަހަރުތެރޭގައި ނިންމައި ހުޅުވުމަކީ އަމާޒެއް ކަމަށް އިމާރާތް ކުރުމާ ބެހޭ ވުޒާރާގެ މިނިސްޓަރު ޑރ. ޑރ. ޢަބްދުﷲ މުއްތަލިބް ވިދާޅުވެއްޖެ އެވެ. 

ޗައިނާ ސަރުކާރުގެ ހިލޭ އެހީގެ ދަށުން އަޅައިދޭ 100 އެނދުގެ ޒަމާނީ މި ހޮސްޕިޓަލުގެ ފީޒިބިލިޓީ އެއްބަސްވުމުގައި ދިވެހި ސަރުކާރާއި ޗައިނާ ސަރުކާރާ ދެމެދު ވަނީ ފީޒިބިލީޓީ އެއްބަސްވުމުގައި ސޮއިކޮށްފަ އެވެ. ދިވެހި ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ ވަޒީރު އަބްދުﷲ މުއްތޮލިބް އެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ސަފީރު ވަން ލިޒިން އެވެ.

މިނިސްޓަރު މުއްތަލިބު ވިދާޅުވި ގޮތުގައި މި މަސައްކަތުގައި ކަމާ ގުޅުންހުރި ހުރިހާ ފަރާތްތަކާއެކު ހަލުވި ގިނަ މަސައްކަތްތަކެއް ކުރިއަށްދާ ކަމަށާ މިހާރު ކުރިއަށްދާ މަސައްކަތް ތަކާއެކު ހަ މަސް ތެރޭ ޓެންޑަރިންގެ މަސައްކަތް ނިމި ޑިޒައިން ނިންމައި ދެ އަހަރުތެރޭ ހޮސްޕިޓަލް ހުޅުވިގެން ދާނެ އެވެ.

"ހޮސްޕިޓަލް ނިމުމާއެކު އިކްއިޕްމަންޓްވެސް ހުންނާނެ. އުންމީދަކީ 2027 ގައި ރަނގަޅު ފެންވަރުގެ ޓާޝަރީ ހޮސްޕިޓަލެއްގެ ގޮތުގައި ހުޅުވުން،" މިނިސްޓަރު ވިދާޅުވި އެވެ.

މި ހޮސްޕިޓަލް ރާއްޖޭގައި އަޅަން ނިންމީ ރައީސް ޑރ. މުހައްމަދު މުއިއްޒު ޗައިނާއަށް ކުރެއްވި ރަސްމީ ދަތުރުފުޅުގައި ޗައިނާގެ ރައީސްއާ ބައްދަލުކޮށް ކުރެއްވި މަޝްވަރާތަކަށްފަހު އެވެ. ގާތްގަނޑަކަށް 15،000 މީހުންގެ އާބާދީއެއް ދިރިއުޅޭ ވިލިމާލޭގައި ހުންނަނީ އެކަށީގެންވާ ހޮސްޕިޓަލެއް ނޫނެވެ. މިހާރު އެތަނުގައި ހުންނަ ހޮސްޕިޓަލުގައި ފަސް އިމަޖެންސީ އެނދު ހުންނައިރު މީހުން ބަލަން ހުންނަނި އެންމެ ތިން ކޮޓަރި އެވެ.