ޝިމާގެ އާއިލާއަށް ރައީސްގެ ތައުޒިޔާ، ޖަނާޒާ މިރޭ މަޣުރިބު ނަމާދަށް ފަހު

މިއަދު ކުއްލި ގޮތަކަށް ނިޔާވި ހުރަވީ ސުކޫލުގެ ދަރިވަރު ފާތިމަތު ޝިމާ މުހައްމަދުގެ އާއިލާއަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތައުޒިޔާ ވިދާޅުވެއްޖެ އެވެ.

އުމުރުން 13 އަހަރުގެ ޝިމާ ނިޔާވީ ސުކޫލުގެ އިންޓަވަލް ގަަޑީގައި ކާން އިންދަ އެވެ. އެނގިފައިވާ ގޮތުގައި ޝިމާ ނިޔާވީ ފިޓް ޖެހިގެންނެވެ.

ވަގުތުން ހުޅުމާލެ ހޮސްޕިޓަލަށް ގެންދިޔަ ނަމަވެސް އޭރު ނިޔާވެއްޖެ އެވެ.

ޝިމާ ނިޔާވުމާއި ގުޅިގެން އެކްސް ގައި ކުރެއްވި ޕޯސްޓެއްގައި ރައީސް ވިދާޅުވީ ޝިމާ، ކުއްލި ގޮތަކަށް މިއަދު ނިޔާވި ހަބަރު އަޑު އެހީ، ނުހަނު ފުން އަސަރާއި ކަންބޮޑުވުމާއިއެކު ކަމަަަަަށެވެ.  

"‏ލޮބުވެތި ދަރިވަރުގެ ބެލެނިވެރީންނަށާއި އާއިލާއަށް، އަދި ރަޙްމަތްތެރީންނަށާއި އެކުގައި ކިޔަވާ ކުދީންނަށް، އަދި ހުރަވީ ސްކޫލުގެ ހުރިހާ ދަރިވަރުންނަށާއި މުވައްޒަފުންނަށް ކުރިމަތިވި މި އުނދަގޫ ވަގުތުގައި ކެތްތެރިކަން މިންވަރުކޮށް ދެއްވުން އެދެމެވެ،"

އެޑިއުކޭޝަން މިނިސްޓްރީން ވެސް ވަނީ ޝިމާގެ އާއިލާއަށް ތައުޒިޔާ ކިޔާފަ އެވެ.

ނ. ލަންދޫއަަށް ނިސްބަތްވާ ޝިމާގެ ޖަނާޒާ އޮތީ މިރޭ މަޣުރިބު ނަމާދަށް ފަހު ހުޅުމާލެ ސަހަރާގަ އެވެ.