ދެ ކިލޯގެ ޑުރަގާއެކު ރާއްޖޭން އިންޑިއާ ދެމަފިރިއަކު ހައްޔަރުކޮށްފި

ރާއްޖެ އައި އިންޑިއާގެ ދެމަފރިއެއްގެ ލަގެޖުން ގިނަ އަދަދެއްގެ މަސްތުވާތަކެތި ފެނިގެން ހައްޔަރުކޮށްފި އެވެ.

ރާއްޖެއަށް މަސްުވާތަކެތި އެތެރެކޮށް ޓްރެފިކް ކުރި ކަމުގެ ތުހުމަތުގައި ހައްޔަރު ކޮށްފައިވަނީ އިންޑިއާގެ ރައްޔިތެއް ކަމަށްވާ އައިޝާ 38އ، އާއި އޭނާގެ ފިރިމީހާ މުހައްމަދު ޝޯއިބް 41އ، އެވެ.

މި މީހުން ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ކޯޓުން ވަނީ އެ މީހުންގެ ބަންދަށް ފަސް ދުވަސް ދީފައެވެ. އަމުރގައިވާގޮތުން ބަންދަށް ކުރު މުއްދަތެއް ދީފައިވަނީ އެ މީހުން ވަކީލަކާއި ތަރުޖަމާނަކު ބޭނުންވާ ކަމަށް ބުނެފައިވާތީއެވެ.

އަމުރުގައި ބުނެފައިވަނީ މި ދެ މީހުންގެ ތެރެއިން ފިރިހެން މީހާގެ ލަގެޖު ބަލައި ފާސްކުރި އިރު އޭގެއިން ދެ ކިލޯގެ މަސްުވާތަކެތި ފެނިފައިވާ ކަމަށެވެ. ނަމަވެސް ފެނުނީ މަސްތުވާތަކެތީގެ ކޮން ބާވަތެއް ކަމެއް ހާމަކޮށްފައެއް ނުވެއެވެ.