ސައްހަ ނޫން 500 ރުފިޔާ މާރުކުރަން އުޅުނު މީހަކު ހައްޔަރުކޮށްފި

ސައްހަ ނޫން 500 ރުފިޔާގެ ނޫޓެއް ގެންގުޅުނު މީހަކު ހައްޔަރުކޮށްފިއެވެ.

އޮޅުވާލުމުގެ މި މައްސަލައިގައި ހައްޔަރުކޮށްފައިވަނީ ކ. ކާށިދޫ، ހައިވަކަރުގެ، އަބްދުﷲ ސައިދު، 54އ އެވެ.

އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން އޭނާގެ ބަންދަށް ތިން ދުވަސް ވަނީ ޖަހާފައެވެ.

ބަންދު އަމުރުގައިވާ ގޮތުން ސައްހަ ނޫން 500 ރުފިޔާގެ ނޫޓެއް ކެފޭއަކުން މާރު ކުރުމަށް އޭނާ ވަނީ މަސައްކަތްކޮށްފައެވެ. 

އޭނާ ބުނެފައިވަނީ އެއީ އެހެން މީހަކު އޭނާ ކައިރީގައި ކޮށްދިނުމަށް އެދުނު ކަމެއް ކަމަށާއި އެހެންވެ އެ 500 ރުފިޔާ މާރުކުރުމަށް މަސައްކަތް ކުރީ ކަމަށެވެ.

އެހެން ނަމަވެސް ގާޒީ ވަނީ މިއީ ކައުންޓަފީޓް ނޫޓާ ގުޅޭ މައްސަލަލައަކަށްވުމުން އޭނާ ބަންދު ކުރުމަށް ވަނީ އަމުރުކޮށްފައެވެ.