އައްނަބީލާ ހަދީޖާ އިބްރާހީމް ދީދީ އަވަހާރަވެއްޖެ
އެކަމަނާ އަކީ އަމީރު އަލްމަރުހޫމް އިބްރާހީމް ފާމުދޭރި ކިލެގެފާނުގެ ދަރިކަނބަލެކެވެ.
ހ. އެއްގަމުގޭ އައްނަބީލާ ހަދީޖާ އިބްރާހީމް ދީދީ އުމުރުފުޅުން 68 އަހަރުގައި މިއަދު އަވަހާރަވެއްޖެ އެވެ.
އެކަމަނާ އަކީ އަމީރު އަލްމަރުހޫމް އިބްރާހީމް ފާމުދޭރި ކިލެގެފާނުގެ ދަރިކަނބަލެކެވެ.
އެކަމަނާ އަވަހާރަވީ އާލާސްކަންފުޅަކަށް ފަރުވާ ހޯއްދަވަނިކޮށް ސަރުކާރުގެ މައި ހޮސްޕިޓަލް -- އައިޖީއެމްއެޗްގަ އެވެ.
އައްނަބީލާ ހަދީޖާ އިބްރާހީމް ދީދީ އަވަހާރަވުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ތައުޒިޔާ ވިދާޅުވެފަ އެވެ.
އާއިލާއަށް ތައުޒިޔާ ފޮނުއްވާ ރައީސް ކުރެއްވެވި މެސެޖެއްގައި ވިދާޅުވީ އެކަމަނާގެ އެކި ދާއިރާތަކުން ގައުމަށް ލިބިފައިވާ ކަމަށެވެ.
އެގޮތުން ރާއްޖޭގެ ތައުލީމީ ދާއިރާ އާއި އަންހެނުންނަށް ކުރިއެރުމާއި ފުރުސަތުތައް ފަހިކޮށްދިނުމުގެ ދާއިރާ އާއި ހާރިޖީ ގުޅުންތަކުގެ ދާއިރާގައި ވެސް ސަރުކާރަށް ހިދުމަތް ކުރައްވާފައިވާކަން ފާހަގަ ކުރެއްވި އެވެ.
އައްނަބީލާ ހަދީޖާ އިބްރާހީމް ދީދީގެ ޖަނާޒާ އޮތީ މަޣުރިބު ނަމާދަށް އާސަހަރާ މިސްކިތުގަ އެވެ.
ކޮމެންޓް
Republic of Maldives