ސަމާލު! ޝަކީލުގެ ފަރާތުން ކަމަށް ބުނެ ކުރަނީ ފޭކު ކޯލެއް، ފައިސާ ނުދޭތި
މި މައްސަލަ ބަލައިދިނުމަށް އެދި މޯލްޑިވްސް ޕޮލިސް ސާރވިސްއަށް ހުށަހަޅާފައިވާ ކަމަށް ވެސް ޝަކީލް ވިދާޅުވި އެވެ.
ހައްޖު ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލުގެ ފަރާތުން ކަމަށް ބުނެ މީހަކު، އެކި މީސްމީހުންނަށް ފޯނުން ގުޅާ ފައިސާ ހޯދަމުންދާ މައްސަލައެއް ސަމާލު ކަމަށް ގެނެސް އެ މައްސަލަ ފުލުހަށް ހުށައަޅައިފި އެވެ.
އެކަން ޝަކީލްގެ ފޭސްބުކު ޕޭޖުގައި ވެެސް ވަނީ ހާމަކޮށްފަ އެވެ.
ޝަކީލް ވިދާޅުވި ގޮތުގައި އޭނާގެ ފަރާތުން ކަމަށް ބުނެ އެކި މީހުންނަށް ގުޅައި ފައިސާ ހޯދަމުން ދާކަމަށް ވަނީ މައުލޫމާތު ލިބިފައެވެ. އެކަން ކުރަނީ ގ.ދަލާސްޓް، އަބްދުالله ރަޝީދު ނަމަކަށް ކިޔާ މީހެއް ކަމަށް ވެސް ވިދާޅުވި އެވެ.
އޭނާ ގުޅަނީ 7610117 ފޯނު ނަންބަރުން ކަމަަށާ އެގޮތަށް ގުޅާ އެކި ފަރާތްތަކުގެ އަތުން ބޮޑެތި އަދަދުތަކުން ފައިސާ ހޯދުމަށް ސްކޭމް ކޯލްތަކެއް މީނާ ކުރަމުން ދާތީ ސަމާލު ވުމަށް އެދޭ ކަމަށް ވެސް ޝަކީލް ވިދާޅުވި އެވެ.
"އަޅުގަނޑުގެ ފަރާތުން ކަމަށް ބުނެ އެއްވެސް ފަރާތަކުން ފައިސާއެއް ހޯދުމަށް ކުރާ ފޯން ކޯލްތަކަށް އިޖާބަ ނުދިނުމަށް ދަންނަވަމެވެ،"
އަދި މި މައްސަލަ ބަލައިދިނުމަށް އެދި މޯލްޑިވްސް ޕޮލިސް ސާރވިސްއަށް ހުށަހަޅާފައިވާ ކަމަށް ވެސް ޝަކީލް ވިދާޅުވި އެވެ.
ކޮމެންޓް
Republic of Maldives