ކްރިއޭޓިވް އިކޮނޮމީ ފަންޑު | ހަތަރު ދާއިރާއަކަށް ފަންޑު ދޫކުރަން ހުޅުވާލައިފި

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރިޔާސީ އިންތިހާބުވެވަޑައިގެންފައިވާ ފަދައިން ކްރިއޭޓާ އިކޮނޮމީ ތަރައްގީކުރުމުގެ ގޮތުން އުފެއްދުންތެރިކަމުގެ ހަތަރު ދާއިރާއަކުން ކްރިއޭޓިވް އިކޮނޮމީ ފަންޑުން ފައިސާ ދޫކުރަން ހުޅުވާލައިފި އެވެ. 

އުފެއްދުންތެރި މަސައްކަތް ކުރާ ފަރާތްތަކަށް ވިޔަފާރި ފުޅާކޮށް ތަރައްގީކުރުމަށް ބޭނުންވާ މާލީ އެހީތެރިކަން ފޯރުކޮށްދިނުަމަށް އުފެއްދި ކްރިއޭޓިވް އިކޮނޮމީ ފަންޑު އިފުތިތާހުކުރީ ފާއިތުވި މަހުގަ އެވެ. އެ ފަންޑާއެކު ކްރިއޭޓާ އިކޮނޮމީ ފުޅާކުރާނެ ގޮތުގެ ހާއްސަ އިސްތިރާޖިއްޔާއެއްވެސް އެކުލަވައިލާފައިވެ އެވެ. 

ކްރިއޭޓިވް އިކޮނޮމީ ފަންޑު މެނޭޖުކޮށް އެ ފަންޑުން ފައިސާ ފޯރުކޮށްދިނުމުގެ ހުރިހާ ކަމެއް ކުރަނީ ބިޒްނަސް ސެންޓާ ކޯޕަރޭޝަނާއި މިނިސްޓްރީ އޮފް އިކޮނޮމިކް ޑިވެލޮޕްމެންޓު އެންޑް ޓްރޭޑު ގުޅިގެންނެވެ. 

މިއަދު ބީސީސީން ކުރި އިއުލާނެއްގައި ބުނެފައިވަނީ ކްރިއޭޓިވް އިކޮނޮމީ ފަންޑުން ފައިސާ ދޫކުރަން ހަމަޖެހިފައިވަނީ ހަތަރު ދާއިރާއަކަށް ކަމަށެވެ. އެއީ:

މި ދާއިރާތަކުގައި މަސައްކަތްކުރާ ފަރާތްތަކުގެ ތެރެއިން ފަންޑަށް ކުރިމަތިލާ ފަރާތްތަކުގެ ކިބައިގައި ފުރިހަމަވާންޖެހޭ ޝަރުތުތަކީ ދިވެހި ރައްޔިތަކު ކަމުގައިވުމާއި އުމުރުން 18 އަހަރު ފުރިފައިވުމާއި، ރަޖިސްޓްރީކޮށްފައިވާ ކުދި ނުވަތަ މެދު ފަންތީގެ ވިޔަފާރިއަކަށްވުން ނުވަތަ ބީސީސީގެ އަމިއްލަ މަސައްކަަތްކުރާ މީހުންގެ ދަފުތަރުގައި ރަޖިސްޓްރީކޮށްފައިވާ ފަރުދަކަށްވުމެވެ. 

ބީސީސީން ބުނި ގޮތުގައި މިފަހަރު ފަންޑު ފޯރުކޮށްދޭނީ 50،000 ރުފިޔާއިން ފެށިގެން 300،000 ރުފިޔާއާ ހަމައަށެވެ. ބީސީސީގެ ކްރިއޭޓިވް އިކޮނޮމީ ފަންޑު ޕޯޓަލް މެދުވެރިކޮށް އެ ފަންޑަށް އެދެވޭނެ އެވެ.