މާލޭ މަގުމަތިން ވަރަަށް ލާއިންސާނީ އަނިޔާތަކެއް ދީފައި އޮތް މީހަކު ފެނެއްޖެ
"މިރާ" އަށް މައުލޫމާތު ލިބިފައިވާ ގޮތުގައި ފިރިހެން މީހާގެ ހަށިގަނޑުގައި ހުރީ އަލިފާން ޖައްސާފަ އެވެ. އަދި ގައިގެ ދެތިން ތަނަކަށް ވަޅި ވެސް ހަރާފައި ހުރި ކަމަށް މައުލޫމާތު ލިބެ އެވެ.
މިހާދިސާއާ ގުޅޭ ގޮތުން މައުލޫމާތު ދެމުން ފުލުހުން ބުނީ މާލޭގެ މަޖީދީމަގުގައި ހުންނަ "ސޮރީ ބޯއިސް" ކިޔާ ފިހާރަ ކުރިމަތީގައި އަނިޔާތަކެއް ލިބިފައި އޮތް ދިވެހި ފިރިހެނަކު ފެނިފައިވާ ކަމަށެވެ. އެމީހާ މަގުމަތިން ފެނެގެން ފުލުހުންނަށް ރިޕޯޓް ލިބުނީ ރޭ ދަންވަރު 1:25 ހާއިރު ކަމަށެވެ.
"މިރާ" އަށް މައުލޫމާތު ލިބިފައިވާ ގޮތުގައި ފިރިހެން މީހާގެ ހަށިގަނޑުގައި ހުރީ އަލިފާން ޖައްސާފަ އެވެ. އަދި ގައިގެ ދެތިން ތަނަކަށް ވަޅި ވެސް ހަރާފައި ހުރި ކަމަށް މައުލޫމާތު ލިބެ އެވެ. އޭގެ އިތުރުން ވެސް މީހާއަށް ލާއިންސާނީ އަނިޔާތަކެއް ދީފައި ހުރިކަމަށް މައުލޫމާތު ލިބެ އެވެ.
ފުލުހުން ބުނީ އަނިޔާ ލިބިފައިވާ މީހާ އައިޖީއެމްއެޗަށް ގެންގޮސް ފަރުވާ ދިނުމަށްފަހު މިއަދު ހެނދުނު 6:19 ހާއިރު ދޫކޮށްލާފައިވާ ކަމަށެވެ.
މި މައްސަލަ ފުލުހުން ތަހުގީގު ކުރަމުންދާ ކަމަށް ވެސް ބުންޏެވެ. މައްސަލައާ ގުޅޭ އިތުރު މައުލޫމާތު ފުލުހުން ހާމަކޮށްފައެއް ނުވެ އެވެ.
އެހެން ކަމުން އޭނާއަށް އެފަދަ އަނިޔާތަކެެއް ބަޔަކު ދިން ސަބަބެއް ސާފުވާ ގޮތެއް ނުވެ އެވެ.
ކޮމެންޓް
Republic of Maldives