ސްޓެލްކޯގެ ސީއެސްއާރްގެ ދަށުން އިސްލާމީ މަރުކަޒު މުންނާރު ކައިރީގައި މަސްފެންގަނޑު ހަދަން ޝައުގުވެރިވެއްޖެ
މިކަމާއި ގުޅިގެން ސްޓެލްކޯގެ އެމްޑީ ހުސައިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ ސަގާފީ އަދި ދީނީ ތަންތަން ހިމާޔަތްކުރުމަށް އެހީތެރިވުމުގެ ފުރުސަތުތައް ހޯދުމަކީ އެ ކުންފުންޏަށް ލިބޭ ޝަރަފެއް ކަމަށެވެ.
ސްޓެލްކޯގެ ސީއެސްއާރްގެ ދަށުން، އިސްލާމީ މަރުކަޒުގެ މުންނާރު ދަށުގައި މަސްފެންގަނޑެއް ހަދަން ޝައުގުވެރިވެއްޖެ އެވެ.
މިގޮތަށް ޝައުގުވެރިކަން ފާޅުކޮށްފައިވަނީ ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީއާ އިސްލާމީ ކަންތައްތާއި ބެހޭ ވަޒީރު ޑރ.މުހައްމަދު ޝަހީމް އަލީ ސައީދު އާ އެކު ބޭއްވެވި ބައްދަލުވުމެއްގައެވެ. މި ބައްދަލުކުރެއްވުމުގައި އިސްލާމީ މަރުކަޒުގެ މުންނާރުގެ ދަށުގައި ހުންނަ މަސްފެންގަނޑު މަރާމާތު ކުރުމަށް ޝައުގުވެރިކަން ސްޓެލްކޯއިން ވަނީ ފާޅުކޮށްފައެވެ.
މިއީ ސްޓެލްކޯގެ ސީއެސްއާރްގެ ދަށުން ކުރަން ބޭނުންވާ މަސައްކަތެކެވެ.
މިކަމާއި ގުޅިގެން ސްޓެލްކޯގެ އެމްޑީ ހުސައިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ ސަގާފީ އަދި ދީނީ ތަންތަން ހިމާޔަތްކުރުމަށް އެހީތެރިވުމުގެ ފުރުސަތުތައް ހޯދުމަކީ އެ ކުންފުންޏަށް ލިބޭ ޝަރަފެއް ކަމަށެވެ.
ފަހުމީ ވިދާޅުވީ އިސްލާމީ މަރުކަޒުގެ މުންނާރުގެ ތިރީގައި ވާ ފެންގަނޑަކީ ތާރީހީ މުހިންމު ތަނެއް ކަމަށާއި އެ ތަނަކީ ވަރަށް ހިތްގައިމު ތަނެއްގެ ގޮތުގައި ދެމިއޮތުމަށް އެކުންފުނި މަސައްކަތް ކުރައްވާނެ ކަމަށެވެ.
"މިތަން އަލުން އިއާދަކޮށް، މިތަން ތަރައްގީ ކުރުމަށް ތި ވުޒާރާގެ ޓީމާ ގުޅިގެން މަސައްކަތް ކުރާނެ ކަމަށް އުއްމީދު ކުރަން،". އޭނާ ވިދާޅުވިއެވެ.
މި މަސްފެންގަނޑު މަރާމާތުކޮށް ބަލަހައްޓާނެ ފަރާތެއް ހޯދުމަށް އިއުލާންކުރި ނަމަވެސް މާލީ ސަބަބުތަކާހެދި އިއުލާން ވަނީ ފަހުން ބާތިލު ކޮށްފައެވެ.
ކޮމެންޓް
Republic of Maldives