ވިއްސާރަކުރާނެ ކަމަށް ލަފާކުރެވޭތީ މުޅި ރާއްޖެއަށް ހުދު ސަމާލު
އޭގެ އިތުރަށް ގުގުރުމާއެކު ބޯކޮށް ވާރޭވެހޭނެ ކަމުގައި މޫސުމާ ބެހޭ ގައުމީ އިދާރާއިން ބުނެފައިވެ އެވެ.
މޫސުމާ ބެހޭ ގައުމީ އިދާރއިން މިއަދު ނެރުނު ސަމާލުގެ މުހުލަތަކީ ހެނދުނު 7:45 އިން މެންދުރުފަހު 13:45 އާ ދެމެދެވެ. މި ސަމާލު ނެރެފައިވަނީ ބޯކޮށް ވާރޭވެހޭނެކަމަށް ލަފާކޮށެވެ.
އެގޮތުން އެ އިދާރާއިން ލަފާކުރާ ގޮތުގައި އެ ވަގުތު ގަޑިއަކު 19 މޭލާއި 24 މާލާ ދެމެދުގެ ބާރުމިނެއްގައި ވައިޖެހޭނެ އެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމުގައި އެ އިދާރާއިން ލަފާކުރެ އެވެ.
އޭގެ އިތުރަށް ގުގުރުމާއެކު ބޯކޮށް ވާރޭވެހޭނެ ކަމުގައި މޫސުމާ ބެހޭ ގައުމީ އިދާރާއިން ބުނެފައިވެ އެވެ.
އިއްޔެވެސް ރާއްޖޭގެ ބޮޑު ބަޔަކަށް ވިއްސާރަކުރާނެ ކަމަަށް އެ އިދާރާއިން ލަފާކުރި އެވެ. އެގޮތުން ޅ.އަތޮޅުން ފެށިގެން އައްޑޫއާ ހަމައަށް ވިއްސާރަކުރާނެ ކަމުގައި ލަފާކުރެވޭތީ އިއްޔެވެސް ހުދު ސަމާލު ނެރުނެވެ.
ކޮމެންޓް
Republic of Maldives