އާސަހަރާ މިސްކިތާއި ސަހަރާ އަލުން ހުޅުވައިފި
މާލޭ އާސަހަރާ މިސްކިތާ ސަހަރާ އަލުން ހުޅުވީ އާޒިމްގެ މޭޔަރު ކަމަށް ވަޑައިގެން އެހެން ބަޔަކާ މަސައްކަތް ހަވާލުކޮށް އެ މަސައްކަތް އަވަހަށް ނިންމަން ވަރަށް ބޮޑު އިސްކަމެެއް ދެއްވާ ކުރެއްވި މަސައްކަތުންނެވެ.
އާސަހަރާ މިސްކިތާ ސަހަރާ އަލުން ހުޅުވައިދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ. މިއަދު ހުކުރުގެ ކުރީން އޮތް ރަސްމިއްޔާތެއްގައި މާލޭ އާސަހަރާ މިސްކިތާ ސަހަރާ ހުޅުވިއިރު މާލޭގެ މޭޔަރު އާދަމް އާޒިމް އާއި ކައުންސިލްގެ މެންބަރުން އަދި ބައެއް ވަޒީރުން ބައިވެރިވެވަޑައިގަތެވެ.
މިދިޔަ އަހަރުގެ މޭ މަހު، އާސަހަރާ މިސްކިތް، އަލުން އިމާރާތް ކުރުމަށް ޓަކައި ކުރިން ހުރި މިސްކިތް ބަންދު ކުރި އެވެ. ނަމަވެސް ވަރަށް ގިނަ ސަބަބުތަކާއި މައްސަލަތައް ކުރިމަތި ވެ ކުރީން ރޭވި ގޮތަށް މަސައްކަތް ދާންވީ ހަލުވި މިނުގައި ކުރިޔަށް ގޮސްފައި ނުވެއެވެ.
މި މަސައްކަތާ ކުރިން ހަވާލުވި ދެ ކޮންޓަކްޓަރުންނަށް ފައިސާ ދިން ނަމަވެސް މަސައްކަތް އެދެވޭ ގޮތެއްގައި ކުރިޔަށް ނުދިއުމުގެ ސަބަބުން ކޮންޓެކްޓް ބާތިލް ކުރި އެވެ. އަދި 2023 ވަނަ އަހަރުގެ ޖޫން މަހު މަރާމާތަށް އާސަހަރާ ބަންދުކުރުމުން، މާލެ، ވިލިމާލޭގައި ނިޔާވާ މީހުންގެ ޖަނާޒާ ބާއްވައި ވަޅުލުމަށް ދަތިތަކާ ކުރިމަތިވި އެވެ.
އޭގެ ފަހުން ޖަނާޒާ ބާއްވަނީ ހުޅުމާލެ ސަހަރާގަ އެވެ.
އެ މަސައްކަތް ފެށީ ރައީސް މުއިއްޒު މޭޔަރަކަށް ހުންނެވިއިރު އެވެ. ނަމަވެސް އެތައް ދުވަހެއް ވެގެން ދިޔައިރު މަސައްކަތް ނިންމޭ ގޮތެއް ނުވި އެވެ.
އޭރު އެ މަސައްކަތް ކޮންޓްރެކްޓާ ހަވާލު ކުރުމުގައި އަމަލުކުރި ގޮތާމެދު ވެސް ގިނަ ބަޔަކު ސުވާލު އުފެއްދި އެވެ.
މާލޭ އާސަހަރާ މިސްކިތާ ސަހަރާ އަލުން ހުޅުވީ އާޒިމްގެ މޭޔަރު ކަމަށް ވަޑައިގެން އެހެން ބަޔަކާ މަސައްކަތް ހަވާލުކޮށް އެ މަސައްކަތް އަވަހަށް ނިންމަން ވަރަށް ބޮޑު އިސްކަމެެއް ދެއްވާ ކުރެއްވި މަސައްކަތުންނެވެ.
ކޮމެންޓް
Republic of Maldives