ބްރޯޑްކާސްޓިންގެ އަމާޒަކަށްވާންވާނީ ގައުމުގެ ހައްގުގައި ވަކާލާތުކުރުން: ރައީސް
އެގޮތުން އެމަނިކުފާނު ވިދާޅުވީ ދިވެހިރާއްޖޭގެ ބްރޯޑްކާސްޓިން ދާއިރާގެ މައިގަނޑު އަމާޒެއްކަމަށް ވާންޖެހޭނީ ދިވެހިރާއްޖެއާއި ދިވެހި ގައުމުގެ ހައްގުގައި ވަކާލާތުކުރުން ކަމަށެވެ.
ދިވެހިރާއްޖޭގެ ބްރޯޑްކާސްޓިން ދާއިރާގެ މައިގަނޑުގެ އަމާޒަކަށްވާންވާނީ ދިވެހި ގައުމުގެ ހައްގުގައި ވަކާލާތުކުރުން ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ.
މިފަދައިން ރައީސް ވިދާޅުވީ މިއަދު ފާހަގަކުރާ ބްރޯޑްކާސްޓްކުރުމުގެ ދުވަހުގެ މުނާސަބަތުގައި އެކްސްގައި ޝާއިއުކުރެއްވި ޕޯސްޓެއްގަ އެވެ.
ބްރޯޑްކާސްޓު ދުވަހެއް ފާހަގަކުރަނީ ދިވެހި މުޖުތަމައާއި ސަގާފަތާއި ގައުމިއްޔަތު ބައްޓަންކުރުމުގައި، ގައުމުގެ ތަރައްގީއާއި ތާރީހުގައި އެ ދާއިރާއިން އަދާކޮށްފައިވާ އަދި އަދާކުރަމުންދާ މުހިއްމު ދައުރު ފާހަގަކުރުމުގެ ގޮތުންނެވެ.
މި އަހަރުގެ ބްރޯޑްކާސްޓިން ދުވަހުގެ ޝިއާރެއްގެ ގޮތުގައި ކަނޑައަޅާފައިވަނީ "މާދަމާގެ ތަސައްވުރު: ބްރޯޑްކާސްޓިންގެ މުސްތަގުބަލު ބައްޓަންކުރުން" އެވެ. މި ޝިއާރުގެ ބޭނުމެއްކަމަށް މޯލްޑިވްސް ބްރޯޑްކާސްޓިން ކޮމިޝަނުން ބުނީ ރާއްޖޭގެ މުސްތަގުބަލު އެކަށައެޅުމުގައި ބްރޯޑްކާސްޓިންގެ މުހިއްމު ދައުރު ފާހަގަކުރުމެވެ.
ބްރޯޑްކާސްޓިން ދުވަހާ ގުޅިގެން މިއަދު އެކްސްގައި ޝާއިއުކުރެއްވި ޕޯސްޓުގައި ރައީސް ވިދާޅުވީ ބްރޯޑްކާާސްޓިންއަކީ ވަރަށް ބޮޑު އަމާނާތެއް އަދި ޒިންމާއެއް ކަމަށެވެ. އަދި އެ ޒިންމާ އަދާކުރަންވީ ގޮތުގެ މައްޗަށް އެމަނިކުފާނު އަލިއަޅުވައިލެއްވި އެވެ.
އެގޮތުން އެމަނިކުފާނު ވިދާޅުވީ ދިވެހިރާއްޖޭގެ ބްރޯޑްކާސްޓިން ދާއިރާގެ މައިގަނޑު އަމާޒެއްކަމަށްވާންޖެހޭނީ ދިވެހިރާއްޖެއާއި ދިވެހި ގައުމުގެ ހައްގުގައި ވަކާލާތުކުރުން ކަމަށެވެ.
ބްރޯޑްކާސްޓިން ދުވަސް ފާހަގަކުރުމުގެ ގޮތުން ބްރޯޑްކާސްޓިން ކޮމިޝަނުން ސްކޫލު ދަރިވަރުންނަށް އަމާޒުކޮށްގެން ކުރެހުމުގެ މުބާރާތެއް ބާއްވަންވަނީ ނިންމާފަ އެވެ. ސްކޫލު ދަރިވަރުންގެ މެދުގައި ބްރޯޑްކާސްޓިން ދާއިރާއަށް އަދި ރާއްޖޭގެ ޓީވީ އަދި ރޭޑިއޯ ޗެނަލްތަކުން ފޮނުވާ ކޮންޓެންޓާމެދު ޝައުގުވެރިކަން އުފައްދައި، އެ ކޮންޓެންޓު އުފެއްދުމުގެ މަސައްކަތް ކުޑަކުދިންގެ ހިޔާލުގައި ސިފަކުރާ ދެނެގަތުމަށް ބާއްވާ މި މުބާރާތުގެ ޝިއާރަކީ "ވިޝަންސް އޮފް ދި ފިއުޗާ" އެވެ.
ކޮމެންޓް
Republic of Maldives