އާސަހަރާ މިސްކިތާ ސަހަރާ އަންނަ ހުކުރު ދުވަހު އަލުން ހުޅުވަނީ
އަންނަ ހުކުރު ދުވަހު އާސަހަރާ މިސްކިތް ހުޅުވާނެ ކަން މޭޔަރު އާދަމް އާޒިމް މިއަދު ވަނީ އިއުލާނު ކުރައްވާފަ އެވެ.
މިދިޔަ އަހަރުގެ މޭ މަހު، އާސަހަރާ މިސްކިތް، އަލުން އިމާރާތް ކުރުމަށް ޓަކައި ކުރިން ހުރި މިސްކިތް ބަންދު ކުރި އެވެ. ނަމަވެސް ވަރަށް ގިނަ ސަބަބުތަކާއި މައްސަލަތައް ކުރިމަތި ވެ ކުރީން ރޭވި ގޮތަށް މަސައްކަތް ދާންވީ ހަލުވި މިނުގައި ކުރިޔަށް ގޮސްފައި ނުވެއެވެ.
މި މަސައްކަތާ ކުރިން ހަވާލުވި ދެ ކޮންޓަކްޓަރުންނަށް ފައިސާ ދިން ނަމަވެސް މަސައްކަތް އެދެވޭ ގޮތެއްގައި ކުރިޔަށް ނުދިއުމުގެ ސަބަބުން ކޮންޓެކްޓް ބާތިލް ކުރި އެވެ. އަދި 2023 ވަނަ އަހަރުގެ ޖޫން މަހު މަރާމާތަށް އާސަހަރާ ބަންދުކުރުމުން، މާލެ، ވިލިމާލޭގައި ނިޔާވާ މީހުންގެ ޖަނާޒާ ބާއްވައި ވަޅުލުމަށް ދަތިތަކާ ކުރިމަތިވި އެވެ.
އޭގެ ފަހުން ޖަނާޒާ ބާއްވަނީ ހުޅުމާލެ ސަހަރާގަ އެވެ.
ސިޓީ ކައުންސިލުން ބުނީ ވަރަށް ގިނަ ދަތިތަކާއެކު ވެސް އާސަހަރާ މިސްކިތާއި އާސަހަރާގެ މަސައްކަތް ނިމިފައިވާ ކަަމަށެވެ. އަދި އަންނަ ހުކުރު ދުވަހު އާސަހަރާ މިސްކިތް ހުޅުވާނެ ކަން މޭޔަރު އާދަމް އާޒިމް މިއަދު ވަނީ އިއުލާނު ކުރައްވާފަ އެވެ.
ކޮމެންޓް
Republic of Maldives