ރާއްޖޭން ސައުދީއާއެކު ވިޔަފާރީގެ އެމްއޯޔޫއެއްގައި ސޮއިކޮށްފި
އިކޮނޮކިމް މިނިސްޓްރީން މިއަދު ބުނީ މި އެމްއޯޔޫގެ ސަބަބުން ދެ ގައުމުގެ ދެމެދުގައި ވިޔަފާރީގެ ގުޅުން ހަރުދަނާކޮށް، ބޯޑަރު ހުރަސްކޮށް ކުރެވޭ ފޮރިން އިންވެސްޓްމެންޓްތައް އިތުރަށް ފުޅާ ކުރުމަށް މަގުފަހިވެގެންދާނެ ކަމަށެވެ.
ވިޔަފާރިއާއި އިގްތިސޯދީ ދާއިރާއިން އެއްބާރުލުން އިތުރުކޮށް، ދެ ގައުމުގެ ދެމެދުގައި ގުޅުން ބަދަހިކުރުމަށްޓަކައި ރާއްޖެ އާއި ސައުދީ އަރަބިއްޔާއާ ދެމެދު އެމްއޯޔޫއެއްގައި ސޮއިކޮށްފި އެވެ.
މި އެމްއޯޔޫގައި ސޮއިކުރައްވާފައި ވަނީ އިކޮނޮމިކް މިނިސްޓަރު މުހައްމަދު ސައީދު ރިޔާދަށް ކުރެއްވި ދަތުރުފުޅުގައި އިއްޔެ އެވެ. ސައުދީ އަރަބިއްޔާގެ ފަރާތުން ސޮއިކުރައްވާފައި ވަނީ މިނިސްޓާ އޮފް ކޮމާސް އަދި ޖެނެރަލް އޮތޯރިޓީ އޮފް ފޮރިން ޓްރޭޑްގެ ބޯޑް ޗެއާމަން، ޑރ. މާޖިދު ބިން އަބްދުﷲ އަލްގަސަބީ އެވެ.
އިކޮނޮކިމް މިނިސްޓްރީން މިއަދު ބުނީ މި އެމްއޯޔޫގެ ސަބަބުން ދެ ގައުމުގެ ދެމެދުގައި ވިޔަފާރީގެ ގުޅުން ހަރުދަނާކޮށް، ބޯޑަރު ހުރަސްކޮށް ކުރެވޭ ފޮރިން އިންވެސްޓްމެންޓްތައް އިތުރަށް ފުޅާ ކުރުމަށް މަގުފަހިވެގެންދާނެ ކަމަށެވެ. އަދި، ވިޔަފާރިއާއި ފަތުރުވެރިކަމާއި އިމާރާތް ކުރުން ފަދަ މުހިންމު ދާއިރާތަކުން ދެގައުމުގެ ގުޅުން އިތުރަށް ބަދަހިވެގެންދާނެ ކަމަށެވެ.
މިނިސްޓަރު ވަނީ ސައުދީ ސަރުކާރުން ރާއްޖޭގެ ތަރައްގީއާއި ކުރިއެރުމަށް ދެއްވަމުން ގެންދަވާ އަހަންމިއްޔަތުކަމާއި، ބާއްވާ ގާތްކަމަށް ޝަކުރު އަދާކުރައްވާފަ އެވެ. އަދި ސޮއިކުރި އެމްއޯޔޫގެ އެހީގައި ރައީސް ޑރ. މުހައްމަދު މުއިއްޒުގެ ދުރުރާސްތާ އިގްތިސޯދީ ވިސްނުންފުޅު ހާސިލްކުރުމަށް އިތުރު ބާރަކަށް ވެގެންދާނެ ކަމަށް ވިދާޅުވެފައިވެ އެވެ.
ކޮމެންޓް
Republic of Maldives