ދޯނިތަކެއްގެ ކުލި ދައްކަން ދިން ޗެކް ބައުންސްވެ ޖަލު ހުކުމެއް
މި މައްސަލައިގައި މަކަރާއި ހީލަތް ހެދުމުގެ ދައުވާ ސާބިތުވެ ޖަލަށް ލުމަށް ހުކުމް ކޮށްފައިވަނީ، ށ. ހުޅުދޫ، ބުލްބުލާގެ، އަހުމަދު ފިރާގުގެ މައްޗަށެވެ.
މި މައްސަލައިގައި މަކަރާއި ހީލަތް ހެދުމުގެ ދައުވާ ސާބިތުވެ ޖަލަށް ލުމަށް ހުކުމް ކޮށްފައިވަނީ، ށ. ހުޅުދޫ، ބުލްބުލާގެ، އަހުމަދު ފިރާގުގެ މައްޗަށެވެ.
މި މައްސަލައަކީ ގ. ޝަބްނަމްލޮޖް މުނައްވަރު ހާދީގެ އަމާޒް ދޯންޏާއި، އަމާޒް ކްރައުން ދޯނި ކުއްޔަށް ނަގައި އޭގެ ކުއްޔަށް ވާ ފައިސާ ދިނުމަށް ފިރާގުގ ދިން ޗެކެއް ބައުންސްވި މައްސަލަ އެވެ.
އެގޮތުން ފިރާގު ވަނީ މި ދޯނިތަކުގެ ކުއްޔައްވާ 7770 ޑޮލަރު، ޗެކެއް މެދުވެރިކޮށް ނެގުމަށް ޗެކް ހަވާލުކޮށްފައެވެ. އެކަމަކު އެ ޗެކުގައިވާ އެކައުންޓުގައި ފައިސާ ނެތުމުން އެ ފައިސާ ހާދީ އަށް ލިބިފައިނުވެ އެވެ.
ކުރިމިނަލް ކޯޓުން ކުރި ހުކުމުގައި ބުނެފައިވަނީ ފިރާގުގެ ފަރާތުން މި ފައިސާ ހޯދުމަށް ތަކުރާރުކޮށް އެސުމުންވެސް ފައިސާ ހާދީއަށް ލިބިފައިނުވާ ކަމަށެވެ. އެކަމަކު ފިރާގު ކޯޓުގައި ބުނެފައިވަނީ ދޯނިތަކުގެ ކުއްޔަށްވާ ފައިސާ ދައްކަމުންދާ ކަމަށެވެ. އަދި އެ ފައިސާ ޓްރާންސްފާ ކުރާ ކަމުގެ ސްލިޕް އޭނާ އަތިގައި ހުންނާނެ ކަމަށްވެސް ވަނީ ބުނެފަ އެވެ.
މި ސްލިޕްތައް ޕީޖީ އާ ހިއްސާކުރުމަށް ކޯޓުން އެދުމުން އެކަން ފިރާގު ކޮށްފައިނުވާ ކަމަށްވެސް ހުކުމުގައިވެއެވެ. އަދި ފިރާގުވަނީ މި ޗެކަށް ވާ ފައިސާ ހާދީ އަށް ނުލިބޭކަން ފިރާގު ވަނީ ގަބޫލުކުރާ ކަމަށްވެސް ކޯޓުގައި ބުނެފަ އެވެ.
އެހެން ކަމުން މި މައްސަލައިގައި ކޮށްފައިވާ މަކަރާއި ހީލަތް ޖެދުމުގެ ދައުވާ ޝައްކެއްނެތް މިންވަރަށް ފިރާގުގެ މައްޗަށް ސާބިތުވާ ކަމަށް ކޯޓުން ވަނީ ކަނޑައަޅާފައެވެ. އަދި އޭނާގެ މައްޗަށް އެއް އަހަރާއި ހަތް މަހާއި ހަ ދުވަހަށް ޖަލަށްލުމަށް ވަނީ ހުކުމް ކޮށްފަ އެވެ.
ކޮމެންޓް
Republic of Maldives