ވާވަށް ޓޫރިޒަމްގެ ބިޔަ މަޝްރޫއެއް | އަމަން ބްރޭންޑުގެ ރިސޯޓެއް
އަމަން ބްރޭންޑަކީ 35 ގައުމެއްގައި ހޮޓާ ހިންގާ މަޝްރޫއު ކުންފުންޏެކެވެ. މި ކުންފުނީގެ ހޮޓާތައް އެމެރިކާގައިވެސް ހުރެ އެވެ.
ދުނިޔެއަށް މަޝްހޫރު އަމަން ރިސޯޓުގެ ބޮޑު ޓޫރިޒަމް މަޝްރޫއެއް ވާވު އަތޮޅުގައި ހިންގަމުންދާކަން އެ ކުންފުނިން ރަސްމީކޮށް އިއުލާނުކޮށްފި އެވެ.
މަލްޓިނޭޝަނަލް ކުންފުނި އަމަން ރިސޯޓްސް އިން ބުނީ އެ ކުންފުނީގެ ވިޔަފާރި އިންޑިއާ ކަނޑުގައި ފުޅާ ކުރުމުގެ ސްޓްރެޓަޖީގެ ދަށުން އެ ބްރޭންޑުގެ ޓޫރިޒަމް މަޝްރޫއެއް ވަނީ ރާއްޖޭގައި ފެށިފައި ކަމަށެވެ. މި މަޝްރޫއު ކުރިއަށް ގެންދަނީ ރާއްޖޭގެ އެންމެ ރީތި އެއް އަތޮޅުކަމަށްވާ ވާވުގަ އެވެ. އެކަހެރިކޮށް އޮންނަ ވާވު އަތޮޅުގައި ހިންގާ މި ޓޫރިޒަމް މަޝްރޫއުގައި އެކި ވަސީލަތްތައް ހިމެނެ އެވެ. މި ތަނުގައި ވިލާތަކާއި މަތީ ފަންތީގެ ރެޒިޑެންސްތައް ހިމެނޭގެން 16 ފަރުމާއެއްގެ ތަންތަން ހުންނާނެ އެވެ. މި ތަންތަން ފަރުމާކޮށްފައިވަނީ އަމަން އާއި މަޝްހޫރު ފަރުމާ ކުރާ ކުންފުނި ކެރީ ހިލް އާކިޓެކްޓްސް ގުޅިގެންނެވެ.
މި ރިސޯޓުތަކަށް އަންނަ ޓޫރިސްޓުންނަށް އެއް ކޮޓަރިން ފެށިގެން ތިން ކޮޓަރިއާ ދެމެދުގެ ފުރިހަމަ ޕެވިލިއަންތަކެއް ލިބެން ހުންނާނެ އެވެ. އަދި މީގެ ތެރޭން ބައެއް ޕެވިލިއަންތަކުގައި ސުވިމިން ޕޫލް ވެސް ހިމެނެ އެވެ.
އަމަން ގްރޫޕުން ރާއްޖޭގައި ހިންގާ އެންމެ ފުރަތަމަ ޓޫރިޒަމް މަޝްރޫއުއާ ބެހޭ ގޮތުން އެ ގްރޫޕުގެ ޗެއާމަން އަދި ޗީފް އެގްޒެކެޓިވް ވްލަޑް ޑޮރޮނިން ވިދާޅުވީ އެ ކުންފުނިން ރާއްޖޭގައި ހިދުމަތް ފެށުމުގެ މަގުސަދަކީ ކުންފުނީގެ ކަސްޓަމަރުންނަށް ފެންވަރު ރަނގަޅު މަތީ ފަންތީގެ ހިދުމަތް ދިނުމަށްޓަކައި އެ ކުންފުނިން ރާވާފައިވާ ސްޓްރެޓަޖީގެ ބައެކެވެ.
އަމާން ރިސޯޓުގައި ފަސް ކޮޓަރިން ފެށިގެން 10 ކޮޓަރިއާ ދެމެދުގެ "އަމާން މޯލްޑިވްސް" ގެ 16 ލަގްޒަރީ ގެ ހުންނާނެ އެވެ. މީގެ ކޮންމެ ތަނަކަށް އަންނަ މީހަކަށް ވެސް އަމިއްލަ ބީޗު އޮންނާނެ އެވެ. މި ތަންތަނުގައި 25 މީޓަރުގެ ބޮޑު ސްވިމިން ޕޫލެއްވެސް ހިމެނެ އެވެ. އަދި ތަފާތު ކެއުންތައް ހިމެނޭހެން ތަފާތު ރެސްޓޯރެންޓްތުކާއި ބީޗް ކްލަބަކާއި އަމިއްލަ ބައެއް ޑައިނިން ވަސީލަތްތައްވެސް ހުންނާނެ އެވެ.
ކޮމެންޓް
Republic of Maldives