ފެނަކައިން ފޭކު ސްޕެއާތަކެއް ބޮޑު އަގުގައި ގަތް ވާހަކަ ދޮގުކޮށްފި

ފެނަކަ ކުންފުނިން ބޮޑު އަގުގައި ފޭކު ސްޕެއާތަކެއް ގަނެފައިވާކަމަށް ބުނެ މީޑިޔާއާއި ސޯޝަލް މީޑިޔާގައި ފެތުރެމުންދާ ވާހަކަތައް އެ ކުންފުނިން ދޮގުކޮށްފި އެވެ. 

ބައެއް މީޑިޔާތަކުގައި އެ ކުންފުނިން ގަނެފައިވާ މުދަލުގެ ލިސްޓުކަމަށް ބުނެ ފަތުރާ ލިސްޓުގައި ހިމެނޭ މުދަލަކީ އެ ކުންފުންޏަށް ގަނެފައިވާ މުދާ ނޫންކަމަށާއި، ސްޕެއާ ހޯދުމުގެ މަސައްކަތް މިހާރު އޮތީ އެ ކުންފުނީގެ ޕްރޮކިއުމެންޓު ޕޮލިސީގެ ތެރެއިން ޓެންޑާ ކޮމިޓީގެ މަރުހަލާގައި ކަމަށް ފެނަކައިން ބުންޏެވެ. 

އެ ކުންފުނީގެ ބަޔާނުގައި އިތުރަށް ބުނެފައިވަނީ އައު މެނޭޖުމެންޓު ހަވާލުވުމަށްފަހު ކުރިން އަމަލުކުރަމުން އައި ޕްރޮކިިއުމެންޓު އުސޫލުގައި ހުރި ބާގަނޑުތައް ބައްދައި، ލިބެމުންދިޔަ ގެއްލުންތައް ހުއްޓުވުމަށް އުސޫލުތަކަށް ބަދަލުތަކެއް ގެނެސްފައިވާ ކަމަށެވެ. އެގޮތުން:

މި މަރުހަލާ ފުރިހަމަކުރީ ކުންފުނީގެ ފަންނީ މުވައްޒަފުންގެ ފުރިހަމަ ބައިވެރިވުމާ ޝާމިލުވުން އޮވެގެން ކަމަށް ފެނަކައިން ބުނެ އެވެ. އަދި ކުންފުންޏަށް ފެންވަރު ދަށް މުދަލާއި ހިދުމަތް ފޯރުކޮށްދިން ފަރާތްތަކާމެދު ފިޔަވަޅުއެޅީ ރައްޔިތުންގެ ހައްގުގައި ކަމަށްވެސް އެ ކުންފުނިން ބުނެފައިވެއެވެ. 

އަދި ކުންފުންޏަށް ހިދުމަތާއި މުދާ ފޯރުކޮށްދޭ ފަރާތްތަކުގެ ބޮލުގައި "ފޭކު" އިލްޒާމު އެޅުވުމަކީ އެކަމުގެ ސަބަބުން އެ ފަރާތްތަކާ ކުންފުންޏާ ދޭތެރޭ އޮތް ގުޅުން ހީނަރުވެ އިތުބާރު ގެއްލޭނެ ކަމެއްގެ ގޮތުގައި އެ ކުންފުނިން ފާހަގަކުރި އެވެ.