ގޭންގުތަކާ ދެކޮޅު އޮޕަރޭޝަން؛ 12،253 މީހަކާ ސުވާލުކުރި، 331 ކުޑަކުދިން ހިމެނޭ
ފުލުހުން ބުނި ގޮތުގައި ސުވާލުކުރެވުނު މީހުންގެ ތެރޭގައި 18 އަހަރުން މަތީގެ 2،583 މީހަކާއި، 18 އަހަރުން ދަށުގެ 331 ކުޑަކުއްްޖެއް ހިމެނެ އެވެ.
ގޭންގުތަކާ ދެކޮޅަށް ދިވެހި ފުލުހުން ހިންގަމުންދާ އޮޕަރޭޝަނުގައި ސުވާލުކުރި 12،253 މީހުންގެ ތެރޭގައި 331 ކުޑަކުދިން ހިމެނޭކަމަށް ފުލުހުންގެ ހިދުމަތުން ބުނެފި އެވެ.
ގޭންގް ކްރައިމް އެންފޯސްމެންޓު ޑިޕާޓުމެންޓުން ޖަނަވަރީން ފެށިގެން ނިމުނު އޯގަސްޓު މަހުގެ 31 ވަނަަ ދުވަހުގެ ނިޔަލަށް ކުރި މަސައްކަތްތަކުގެ ތަފާސްހިސާބު ފުލުހުންވަނީ އާންމުކޮށްފަ އެވެ. އެ ހިދުމަތުން ބުނި ގޮތުގައި އެ މުއްދަތުގައި 87،775 ތަނެއް ފުލުހުން ބަލއިފާސްކުރި އެވެ.
އަދި އެ މުއްދަތުގައި ގޭންގު މައްސަލަތަކާ ގުޅިގެން ތަކުރާރުކޮށް ސުވާލުކުރެވުނު މީހުން ހިމެނޭހެން 12،253 މީހަކާ ސުވާލުކޮށްފައިވާކަމަށް ފުލުހުން ބުނެފައިވެ އެވެ.
ފުލުހުން ބުނި ގޮތުގައި ސުވާލުކުރެވުނު މީހުންގެ ތެރޭގައި 18 އަހަރުން މަތީގެ 2،583 މީހަކާއި، 18 އަހަރުން ދަށުގެ 331 ކުޑަކުއްްޖެއް ހިމެނެ އެވެ. މިއީ ތަކުރާރުވުމެއް ނެތި ވަކިވަކިން ސުވާލުކުރެވުނު މީހުންގެ އަދަދުތަކެވެ.
ގޭންގު ކުށްތަކާ ގުޅިގެން 67 މީހަކު އެ މުއްދަތުގައި ހައްޔަރުކޮށްފައިވާކަމަށާއި، އޭގެ ތެރެއިން 22 މީހަކު މިހާރުވެސް ފުލުހުންގެ ބެލުމުގެ ދަށުގައި ތިބިއިރު 30 މީހަކު ދޫކޮށްލާފައިވާކަމަށާއި، 15 މީހަކު ރިމާންޑު ޖަލުގައި ތިބިކަމަށް އެ އިދާރާއިން މައުލޫމާތު ދިނެވެ.
މި އަހަރުގެ ފުރަތަމަ އަށް މަސް ތެރޭގައި ގޭންގު ކުށްތަކުގެ 22 މައްސަލައެއް ފުލުހަށް ހުށަހެޅުނުއިރު އެއިން އަށް މައްސަލައެއްގެ ތަހުގީގު ނިންމުމަށްފަހު ދައުވާކުރުމާމެދު ގޮތެއް ނިންމުމަށް ޕްރޮސެކިއުޓާ ޖެނެރަލް އޮފީހަށް ހުށަހަޅާފައިވެ އެވެ.
ކޮމެންޓް
Republic of Maldives