ޖަލުގައި ދަންޖެހި މަރުވި މީހާގެ ހަށިގަނޑު ޕޯސްޓްމޯޓަށް ފޮނުވައިފި
ފުލުހުން ބުނީ އެ މީހާގެ ހަށިގަނޑު، ޕޯސްޓްމޯޓަށް އިންޑިއާއަށް ފޮނުވާފައިވާ ކަމަށެވެ. ހަށިގަނޑު ފޮނުވީ އިއްޔެ އެވެ.
ޝަރީއަތް ނިމެންދެން ބަންދުކޮށްފައި ހުއްޓާ ޖަލުގައި ދަންޖެހި މަރުވި މީހާގެ ހަށިގަނޑު ޕޯސްޓްމޯޓަށް ފޮނުވައިފި އެވެ.
މި މަހުގެ 24 ވަަނަ ދުވަހު ޖަލު ގޮޅީގައި މަރުވެފައި އޮއްވާ ފެނުނީ ގ. އެތްތެޔޮމާގެ، ޢަބްދުލް ޣަނީ އިސްމާއިލް އެވެ. އުމުރުން 62 އަހަރުގެ މި މީހާ މަރުވެފައި ހުއްޓާ ފެނުނީ ހެނދުނު ސައި ހިފައިގެން ދިޔަ ކަރެކްޝަންސްގެ އޮފިސަރަކަށެވެ.
ފުލުހުން ބުނީ އެ މީހާގެ ހަށިގަނޑު، ޕޯސްޓްމޯޓަށް އިންޑިއާއަށް ފޮނުވާފައިވާ ކަމަށެވެ. ހަށިގަނޑު ފޮނުވީ އިއްޔެ އެވެ.
ޣަނީ އަކީ ކުޑަކުއްޖަކަށް ގަދަ ކަމުން ޖިންސީ ހާނީއްކަ ކަމުގެ ތުހުމަތުގައި ޝަރީއަތް ނިމެންދެން ބަންދުކޮށްފައި ހުރި މީހެކެވެ. އެއީ މީގެ ކުރިން މަގުމަތިން އަންހެނަކަށް ފޮށި، ޖިންސީ ގުޅުން ހިންގަން ދައުވަތުދިން މައްސަލައިގެ ކުށް ސާބިތުވެ ޖަލު ހުކުމެއް ވެސް ކޮށްފައިވާ މީހެކެވެ.
އަންހެނެއްގެ ކަރުގައި ވަޅި ޖައްސައި ބިރު ދެއްކީ މީހަކުވެސް ޝަރީއަތް ނިމެންދެން ދޫނިދޫ ޖަލުގައި ބަންދު ކޮށްފައިހުއްޓައި ވަނީ ދަންޖެހިގެން މަރުވެފަ އެވެ.
ކޮމެންޓް
Republic of Maldives