ސްކޭމްތަކުގައި ގެއްލުނު 2.2 މިލިއަން ރުފިޔާ ހޯދިއްޖެ: ފުލުހުން
ފުލުހުންގެ ތަރުޖަމާނު އަހުމަދު ޝިފާން މިއަދު ވިދާޅުވީ މި އަދަދަކީ މިއަހަރުގެ ފުރަތަމަ އަށް މަހު ރިޕޯޓްކޮށްފައިވާ ސްކޭމް ކޭސްތަކުން ހޯދާފައިސާ ކަމަށެވެ.
މިއަހަރު ރިޕޯޓްކޮށްފައިވާ ސްކޭމް ކޭސްތަކުގައި ގެއްލިފައިވާ 2.2 މިލިއަން ރުފިޔާ ހޯދާފައިވާ ކަމަށް ފުލުހުން ބުނެފި އެވެ.
ފުލުހުންގެ ތަރުޖަމާނު އަހުމަދު ޝިފާން މިއަދު ވިދާޅުވީ މި އަދަދަކީ މިއަހަރުގެ ފުރަތަމަ އަށް މަހު ރިޕޯޓްކޮށްފައިވާ ސްކޭމް ކޭސްތަކުން ހޯދާފައިސާ ކަމަށެވެ.
އެކި ނަންނަމުގައި އެކި ގޮތްގޮތަށް ރާއްޖޭގައި ދަނީ ސްކޭމްތައް ހިންގަމުންނެވެ. އެކި އިދާރާތަކުގެ ނަމުގައި މީހުންނަށް ގުޅައިގެންނާއި، އެކި ޕްރޮމޯޝަންތަކުގެ ނަންނަމުގައި ސްކޭމްތައް ދަނީ ހިންގަމުންނެވެ. ދާދި ފަހުން އިމިގްރޭޝަން އޮފިސަރުންނަށް ވެގެން ވެސް ވަނީ ސްކޭމްތަކެއް ހިންގާފަ އެވެ.
ޝިފާން ވިދާޅުވީ އަދިވެސް ގިނަބަޔަކު ސްކޭމަރުންގެ ސްކީމްތަކަށް ހެއްލޭކަމީ ދެރަކަމެއް ކަމަށެވެ. ފުލުހުންނާއި ކަމާ ގުޅޭ އިދާރާތަކުން ތަކުރާރުކޮށް ދަނީ މިފަދަ ކަންކަމަށް ސަމާލުވާން އަންގަމުންނެވެ.
ސްކޭމުތައް ހުއްޓުވުމަށް ފުލުހުންގެ ހިދުމަތުގައި އެންޓި-ސްކޭމް ސެންޓަރެއް ގާއިމް ކުރުމުގެ މަސައްކަތް ދަނީ ކުރަމުންނެވެ. އެކަން ފުލުހުންގެ ސްޓްރެޓެޖިކް އެކްޝަން ޕްލޭންގައި ވަނީ ހިމަނާފަ އެވެ.
ކޮމެންޓް
Republic of Maldives