ދީނީ ތައުލީމު ހާސިލުކުރުމަށް ދޭ އެހީތެރިކަން ފުޅާކުރާނަން: ޝަހީމު
އިތުރަށް މިނިސްޓަރު ވިދާޅުވީ އިސްލާމިކް ޔުނިވަސިޓީއާއެކު ހެދި އެއްބަސްވުމުގެ ދަށުން އިލްމީ މަސައްކަތްތަކާއި ދިރާސާގެ ދާއިރާއިން އެއްބާރުލުން ދިނުމާއި އެކުގައި ކުރާ މަސައްކަތްތައް މިހާރަށްވުރެ ފުޅާވާނެ ކަމަށެވެ.
އިސްލާމްދީނާ ގުޅުންހުރި އެކި ދާއިރާތަކުން ތައުލީމު ހާސިލުކުރުމަށް ސަރުކާރުން ދެމުންދާ އެހީތެރިކަން ފުޅާކުރައްވާނެ ކަމުގައި އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ގައުމީ ޔުނިވާސިޓީއާއެކު އެކި ދާއިރާތަކުން އެހީތެރިކަން ފޯރުކޮށްދިނުމާ ގުޅޭ ފަހުމުނާމާއެއްގައި ސޮއިކުރެއްވުމަށްފަހު ދެއްކެވި ވާހަކަފުޅުގައި ޝަހީމު ވިދާޅުވީ ގައުމީ ޔުނިވާސިޓީއާއެކު މިހާރުވެސް ގިނަ މަސައްކަތްތަކެއް ކުރަމުންދާ ކަމަށެވެ.
އިތުރަށް މިނިސްޓަރު ވިދާޅުވީ އިސްލާމިކް ޔުނިވަސިޓީއާއެކު ހެދި އެއްބަސްވުމުގެ ދަށުން އިލްމީ މަސައްކަތްތަކާއި ދިރާސާގެ ދާއިރާއިން އެއްބާރުލުން ދިނުމާއި އެކުގައި ކުރާ މަސައްކަތްތައް މިހާރަށްވުރެ ފުޅާވާނެ ކަމަށެވެ.
އެގޮތުން ދީނީ ތައުލީމުގެ އެކި ދާއިރާއިން ސްކޮލާޝިޕް އިތުރުކުރުމާއި އެހެނިހެން ގޮތްގޮތުންވެސް އުނގެނުމަށް ދޭ އެހީތެރިކަން އިތުރުކުރައްވާނެ ކަމަށް ވަޒީރު ވިދާޅުވި އެވެ.
"ޤައުމީ ޔުނިވަރސިޓީން ދީނީ އެކި ރޮނގުތަކުން ތަޢުލީމް ޙާސިލްކޮށްފައިވާ ގިނަ ދަރިވަރުންތަކެއް އެބައުޅޭ. ފަހުމުނާމާއާއެކީގައި ދީނީ ތަޢުލީމު ދެވޭ ފެންވަރު އިތުރުވާނެކަމަށް ޔަޤީންކުރަނީ." މިނިސްޓަރު ވިދާޅުވިއެވެ.
އެ ރަސްމިއްޔާތުގައި ގައުމީ ޔުނިވަސިޓީގެ ވައިސް ޗާންސެލާ ޑރ.އާއިޝަތު ޝެހެނާޒު ވިދާޅުވީ އެ ފަހުމުނާމާއާއެކު ވުޒާރާއާ ގުޅޮިގެން އިސްލާމީ ތައުލީމު ފުޅާކުރުމަށާއި، ދީނީ ކަންކަމުގައި ހަދާ ދިރާސާއް އިތުރުކޮށް ދީނީ ހޭލުންތެރިކަން އިތުރުކުރުމުގެ ޕްރޮގުރާމްތަކަށް މަގުފަހިވާނެ ކަމަށެވެ.
ކޮމެންޓް
Republic of Maldives