"އިމާމުންނަށް ހައުސިން ސްކީމުތަކާއި އިންޝުއަރެންސް ހަމަޖައްސައިދިނުމުގެ މަސައްކަތް ކުރާނަން"
އިމާމުންގެ ތެރޭގައި ކިޑްނީ ފެއިލްވެފަ ތިބި މީހުންނާއި، ކެންސަރުފަދަ ބޮޑެތި ބަލިތައް ތަހައްމަލް ކުރަމުންދާ މީހުން އެބަ ތިބި ކަމަށާއި، ރާއްޖެ އާޢި ރާއްޖެއިން ބޭރުން އިމާމުންނަށް އިންޝުއަރެންސް ހަމަޖައްސަވަން މަސައްކަތްކުރައްވާ ކަމަށް ވިދާޅުވި
އިމާމުންނަށް ހައުސިން މަޝްރުއުތަކާއި، އިންޝުއަރެނސް ލިބޭނެ ގޮތް ހަމަޖއްސައި ދެއްވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޑރ. ޝަހީމް މިހެން ވިދާޅުވީ އއިމާމުންގެ މަހާށިންތާގައި ވާޙަކަ ދައްކަވަމުންނެވެ. މި މަހާސިންތާގައި ރާއްޖޭގެ އެކި ކަންކޮޅުތަކުން 500 އެއްހާ އިމާމުން ވަނީ ބައިވެރިވެފައެވެ.
ޑރ. ޝަހީމް ވިދާޅުވީ މި މަހާސިންތާގެ މަގުސަދަކީ އިމާމުން ތަމްރީނު ކުރުމާއި ޒުވާން އިމާމުންގެ ޖީލެއް މުޖުތަމައުއަށް ނެރުންކަމަށެވެ. އަދި އިމާމުންނާއި އިސްލާމީ ކަންތައްތަކާ ބެހޭ ވުޒާރާއާ ގުޅުން ބަދަހިކުރައްވާ، އިމާމުންގެ ހުށައެޅުންތައް އަޑުއަހައި، މަޝްވަރާކުރުމަކީވެސް މި މަހާސިންތާގެ ބޭނުމެއްކަމަށް ވިދާޅުވިއެވެ.
"ހަމައެއާއެކު އިމާމުންގެ ދައުރު ފުޅާ ކުރުމަށް މަސައްކަތްކުރުމަކީވެސް މި މަހާސިންތާގެ މަގުސަދެއް. އިމާމުންނަށް ދިމާވާ ދަތިތައް ހައްލުކުރުމަށް އިސްލާމީ ކަންތައްތަކާ ބެހޭ ވުޒާރާއިން ކުރެވެންހުރި ހުރިހާ މަސައްކަތެއް އިންޝާﷲ އަޅުގަނޑުމެން ކުރާނަން" އޭނާ ވިދާޅުވިއެވެ.
ޑރ. ޝަހީމް ވިދާޅުވީ މި މަހާސިންތާގައި ހައުސިން މަޝްރޫއުތަކަށް އިމާމުންނަށް ހާއްސަ ކުރުމަށް މަޝްވަރާ ކުރެވުނު ކަމަށެވެ. އެހެން ކަމުން މި މަޝްވރާތައް ރައީސުލްޖުމްހުރިއްޔާ ޑރ. މުހައްމަދު މުއިއްޒުގެ އަރިހަށް ގެންދަވާނެ ކަމަށާއި މިކަމަށް ކުރެއްވުމަށް އެ މިނިސްޓްރީން މަސައްކަތް ކުރައްވާނެ ކަމަށްވެސް ވިދާޅުވިއެވެ.
އޭގެ އިތުރުން އިމާމުންގެ ތެރޭގައި ކިޑްނީ ފެއިލްވެފަ ތިބި މީހުންނާއި، ކެންސަރުފަދަ ބޮޑެތި ބަލިތައް ތަހައްމަލް ކުރަމުންދާ މީހުން އެބަ ތިބި ކަމަށާއި، ރާއްޖެ އާޢި ރާއްޖެއިން ބޭރުން އިމާމުންނަށް އިންޝުއަރެންސްގެ ހިދުމަތް ލިބޭނެ ގޮތް ހައްދަވައި ދެއްވުމުގެ މަސައްކަތް މިހާރުވެސް ކުރައްވަމުންދާ ކަމަށް ޑރ. ޝަހީމް ވިދާޅުވިއެވެ. އެގޮތުން އިންޝުއަރެންސް ކުންފުނިތަކާއި މިހާރު މަޝްވަރާކޮށްފައިވާ ކަމަށާއި މި ހަފުތާތެރޭގައި މިކަމަށް އަމަލީ ސިފަ ގެންނާނެ ކަމަށް ވިދާޅުވިއެވެ.
މީގެ އިތުރުންވެސް، މި މަހާސިންތާގައި ވަނީ ގިނަ ކަންކަމެއް ނިންމާފައެވެ. އެގޮތުން އިސްލާމީ މަރުކަޒުތައް ގާއިމުޔ ކުރާ ރަށްތަކުގައި ބަންގި ގޮވާނެ މީހަކާއި އިމާމެއް ހަމަޖއްސައިދެއްވާނެ ކަމަށްވެސް ވިދާޅުވިއެވެ. އަދި މި ބޭފުޅުންނަކީ ޑިގްރީ ފެންވަރަށް ކިޔަވައިގެންތިބޮި އިލްމީ ބޭފުޅުންނަށް ވާނެ ކަމަށްވެސް ވިދާޅުވިއެވެ.
މީގެ އިތުރުން ޒުވާން ހަތީބުންނާއި އިމާމުން ނެރެ، މިސްކިތްތަކަކީ އެނެމެންވެސް އަޅުކަންކުރުމަށް އަރާހިތްވާ ތަނަކަށް ހެދުމަކީ އަމާޒެއް ކަމަަށްވެސް ވިދާޅުވިއެވެ. އަދި ރަށްރަށުގެ ކަިުންސިލަރުންނާއި އިމާމުންނާއި އޮންނަ ގުޅ:ުން ވަރުގަދަ ކުރުމަށްވެސް މަސައްކަތް ކުރައްވާނެ ކަމަށް ވިދާޅުވިއެވެ.
ކޮމެންޓް
Republic of Maldives