މަސްތުވާތަކެތީގެ މައްސަލައެއްގައި ހޯރަފުށިން މީހަކު ހައްޔަރުކޮށްފި
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހުގެ މުއްދަތަކަށް ބަންދުގައި ބަހައްޓަން ކޯޓުން އަމުރުކޮށްފައިވެ އެވެ.
ހއ.ހޯރަފުށީގައި ފުޅާ ދާއިރާއެއްގަައި މަސްތުވާތަކެތީގެ ވިޔަފާރިކުރަމުން ދިޔަ ކަމުގެ ތުހުމަތުގައި އެ ރަށުން މީހަކު ހައްޔަރުކޮށްފި އެވެ.
ހޯރަފުށީ ޕޮލިސް ސްޓޭޝަނާއި ކައުންޓާ ނާކޮޓިސް އިންޓެލެޖިންސް ގުޅިގެން ހިންގި އޮޕަރޭޝަނުގައި ކޯޓު އަމުރެއްގެ ދަށުން ހައްޔަރުކޮށްފައިވަނީ ހއ.ހޯރަފުށީ، ރަތްބަގީޗާގޭ އުމުރުން 42 އަހަރުގެ އަހްމަދު ޝީބާން އެވެ.
ފުލުހުން ބުނި ގޮތުގައި މި އޮޕަރޭޝަން ހިންގާފައިވަނީ ސެޕްޓެންބަރު 21 ވަނަ ދުވަހު އެވެ. އޭނާ ދިރިއުޅޭ ކޮޓަރި ބަލައިފާސްކުރި މި އޮޕަރޭޝަނުގައި ފެނުނު މަސްތުވާތަކެތީގެ ވަގުތީ ބަރުދަނުގައި 50.6 ގްރާމު ހުރި ކަމަށްވެސް ފުލުހުން ބުނެފައިވެ އެވެ.
އަދި އޭނާ ދިރިއުޅޭ ތަނުން މަސްތުވާތަކެތީގެ ވިޔަފާރިކުރަން ގެންގުޅޭ ކަމށް ބެލެވޭ ތަކެއްޗާއި ފައިސާވެސް ފެނިފައިވާ ކަމަށް ފުލުހުން ބުނެފައިވެ އެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހުގެ މުއްދަތަކަށް ބަންދުގައި ބަހައްޓަން ކޯޓުން އަމުރުކޮށްފައިވެ އެވެ.
ފުލުހުން ބުނި ގޮތުގައި ހޯރަފުށީ ޕޮލިސް ސްޓޭޝަނުން އެ މައްސަލާގައި އިތުރަށް ބަލަންޖެހޭ ކަންކަން އަންނަނީ ބަލަމުންނެވެ.
ކޮމެންޓް
Republic of Maldives