މާލޭގެ ބޭރު ތޮށި މަރާމާތުކުރަން ޖަޕާނާއެކު އެއްބަސްވެއްޖެ
އެ އެއްބަސްވުމާ ގުޅޭ ގޮތުން އެކްސްގައި ޝާއިއުކުރެއްވި ޕޯސްޓެއްގައި ޒަމީރު ވިދާޅުވީ މިއީ ރާއްޖޭގެ ވިލުންތެރިކަން އިތުރުކޮށްދީ، މޫސުމީ ބަދަލުތަކުގެ ސަބަބުން ކުރިމަތިވާ ގޮންޖެހުންތަކާ ކުރިމަތިލުމަށް އެހީތެރިވާނެ އެއްބަސްވުމެއް ކަމަށެވެ.
ޖަޕާނު ސަރުކާރުގެ އެހީގައި މާލޭގެ ވަށައިގެން ތަރައްގީކޮށްފައިވާ ބޭރު ތޮށި މަރާމާތުކުރުމަށް ޖަޕާނު ސަރުކާރާއެކު އެއްބަސްވުމެއް ހަދައިފި އެވެ.
ރައީސް އަލްއުސްތާޛު މައުމޫނު އަބްދުލްގައްޔޫމުގެ ވެރިކަމުގައި ޖަޕާނު ސަރުކާރުގެ އެހީގައި މާލޭގެ ބޭރު ތޮށިލައި ބޮޑު ހިލަޖަހައި މާލެއަށް އުދަ އެރުމުގެ މައްސަލަ ހައްލުކޮށްފައިވެ އެވެ. ޖަޕާނު ސަރުކާރުން ހިންގި އެ މަޝްރޫއަށްފަހު ތޮށި ބެލެހެއްޓުމަށްވެސް ޖަޕާނު ސަރުކާރުން ގެންދަނީ އެހީތެރިވަމުންނެވެ.
މާލޭ ބޭރު ތޮށިގަނޑު މަރާމާތުކުރުމަށް ޖަޕާނު ސަރުކާރާއެކު މިއަދު ހެދި އެއްބަސްވުމުގައި ދިވެހިރާއްޖޭގެ ފަރާތުން ސޮއިކުރެއްވީ ހާރިޖީވަޒީރު މޫސާ ޒަމީރެވެ. އަދި ޖަޕާނުގެ ފަރާތުން އެ އެއްބަސްވުމުގައި ސޮއިކުރެއްވީ އެ ގައުމުން ރާއްޖެއަށް ކަނޑައަޅާފައި ހުންނަވާ ސަފީރު ޓަކެއުޗީ މިޑޯރީ އެވެ.
ހާރިޖީވުޒާރާގައި މިއަދު އެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި ކޮންސްޓްރަކްޝަން އެންޑް އިފްރަސްޓްރަކްޗާ މިނިސްޓަރު ޑރ.އަބްދުﷲ މުއްތަލިބު ބައިވެރިވެވަޑައިގަތެވެ.
އެ އެއްބަސްވުމާ ގުޅޭ ގޮތުން އެކްސްގައި ޝާއިއުކުރެއްވި ޕޯސްޓެއްގައި ޒަމީރު ވިދާޅުވީ މިއީ ރާއްޖޭގެ ވިލުންތެރިކަން އިތުރުކޮށްދީ، މޫސުމީ ބަދަލުތަކުގެ ސަބަބުން ކުރިމަތިވާ ގޮންޖެހުންތަކާ ކުރިމަތިލުމަށް އެހީތެރިވާނެ އެއްބަސްވުމެއް ކަމަށެވެ.
އަދި އެއީ ޖަޕާނާއި ދިވެހިރާއްޖެއާ ދެމެދުގައި އޮތް ޒަމާންވީ އެކުވެރި ގުޅުން އިތުރަށް ދެމިގެންދާނެ ކަމެއްކަން ފާހަގަކުރައްވައި ޖަޕާނުން ރާއްޖެއަށް އަބަދުމެ ފޯރުކޮށްދެމުންދާ ދެގޮތެއްނުވާ އެހީތެރިކަމަށް ޝުކުރު އަދާކުރެއްވި އެވެ.
ކޮމެންޓް
Republic of Maldives