ގައުމީ ދިދައާ ނިޝާންގެ ހިމާޔަތަށް ގާނޫނެއް ހަދަނީ
މިނިސްޓަރު ވިދާޅުވީ ގައުމީ ދިދަ އާއި ދިވެހި ދައުލަތުގެ ރަމްޒުތަކަށް ހުރިހާ ގޮތަކުން ހިމާޔަތާއި ރައްކާތެރިކަން ދިނުމަކީ ރައީސް މުއިއްޒުގެ ސިޔާސަތު ކަމަށެވެ.
ދިވެހި ދައުލަތުގެ ރަމްޒުތައް ހިމާޔަތް ކުރުމަށްޓަކާ ބިލެއް ޑްރާފްޓް ކުރަމުންދާ ކަމަށް ދިވެހި ބަހާއި ތަރިކައާ ބެހޭ މިނިސްޓަރު އާދަމް ނަސީރު އިބްރާހިމް މިއަދު ވިދާޅުވެއްޖެ އެވެ.
ރައީސް އޮފީހުގައި މިއަދު އޮތް ނޫސްވެރީންގެ ބައްދަލްވުމުގައި ވާހަކަ ދައްކަވަމުން މިނިސްޓަރު ވިދާޅުވީ ގައުމީ ދިދަ އާއި ދައުލަތުގެ ނިޝާނަށް ވެސް ގާނޫނީ ހިމާޔަތް ބޭނުންވާ ކަމަށެވެ.
މިހާތަނަށް އައިއިރު ވެސް ދައުލަތުގެ ނިޝާނަށް އިންތަކާއި މިންތަކާއި ހަމަތަކެއް ލިޔެވި ގާނޫނެއްގެ ސިފަ އެކަން ކުރެވިފައި ނެތް ކަމަށާ އެ މަސައްކަތް މިހާރު ފަށާފައިވާ ކަމަށް މިނިސްޓަރު ވިދާޅުވި އެވެ.
"މިހާރު ތާވަލު ކުރެވިފައި އޮތީ. ދިވެހި ދައުލަތުގެ މިފަދަ ރަމްޒުތައް ހިމާޔަތް ކުރުމަށްޓަކާ ބިލެއް ޑްރާފްޓް ކުރުން،" ނޫސްވެރިއަކު ކުރި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވި އެވެ.
ނަމަވެސް ޑްރާފްޓްގެ މަސައްކަތް މުޅިން ނިމި ގާނޫނަކަށް ހެދުމަށް ފޮނުވޭނެ ވަކި ތާރީހެއް ވިދާޅެއް ނުވެ އެވެ.
މިނިސްޓަރު ވިދާޅުވީ ގައުމީ ދިދަ އާއި ދިވެހި ދައުލަތުގެ ރަމްޒުތަކަށް ހުރިހާ ގޮތަކުން ހިމާޔަތާއި ރައްކާތެރިކަން ދިނުމަކީ ރައީސް މުއިއްޒުގެ ސިޔާސަތު ކަމަށެވެ.
ކޮމެންޓް
Republic of Maldives