ޖުލައިއާ ހަމައަށް ވީއައިއޭ ނޫން އެހެން އެއާޕޯޓުތަކަށް އައީ 2,104 ޓޫރިސްޓުން

މި އަހަރުގެ ޖުލައި މަހުގެ ނިޔަލަށް ވެލާނާ އިންޓަނޭޝަނަލް އެއާޕޯޓް ނޫން އެހެން އިންޓަނޭޝަނަލް އެއާޕޯޓްތަކަށް އައިސްފައިވަނީ އެންމެ 2,104 ޓޫރިސްޓުން ކަމަށް ތަފާސް ހިސާބުތަކުން ދައްކައިފި އެވެ.

ހިސާބުތައް ދައްކާ ގޮތުގައި މި އަހަރުގެ ޖުލައި މަހުގެ ނިޔަލަށް އެންމެ ގިނައިން ޓޫރިސްޓުން އައިސްފައިވަނީ ރާއްޖޭގެ މައި ވައިގެ ބަނދަރު ކަމަށްވާ ވީއައިއޭ އަށެވެ. ވީއައިއޭއިން ރާއްޖެ އަށް 1,180,048 ޓޫރިސްޓުން އެތެރެވެފައިވެ އެވެ. އަދި ދެވަނަ އަށް އެންމެ ގިނައިން ޓޫރިސްޓުން އައިސްފައިވަނީ އައްޑޫ ސިޓީގައި ހުންނަ ގަން އިންޓަނޭޝަނަލް އެއާޕޯޓަށެވެ.

މި ވައިގެ ބަނދަރަށް ޖުމްލަ 1,959 ޓޫރިސްޓުން އައިސްފައިވާއިރު ނ. މާފަރު އިންޓަނޭޝަނަލް އެއާޕޯޓަށް 906 ޓޫރިސްޓުން އައިސްފި އެވެ. 

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުގައި ޖުލައި މަހުގެ ނިޔަލަށް ވައިގަ މަގުން ހަނިމާދޫ އިންޓަނޭޝަނަލް އެއާޕޯޓަށް އައިސްފައިވަނީ 35 ޓޫރިސްޓުންނެވެ. ދ. ކުޑަހުވަދޫ އަށް 103 ޓޫރިސްޓުން އައިސްފައިވެ އެވެ.