ހުޅުމާލެއިން 353 އުޅަަނދު ޓޯކޮށް، 205 އުޅަނދު ނައްތާލައިފި
ފުލުހުން އިތުރަށް ބުނީ ޓޯ ކޮށްފަައިވާ އުޅަނދުތަކުގެ ތެރެއިން ޓޯ ޔާޑުގައި ގިނަ ދުވަސްވެފައިވާ 205 އުޅަނދެއް ނައްތާލާފައިވާ ކަމަށެވެ. އޭގެ ތެރޭގައި ހިމެނެނީ 37 ކާރަކާއި، 114 ސައިކަލާއި، 84 ބައިސްލަކެވެ.
ފުލުހުން އާންމުކޮށްފއިވާ ހިސާބުތަކަށް ބަލާއިރު ހުޅުމާލޭ ދެ ފިޔަވަހިން ޖުމްލަ 353 އުޅަނދު ޓޯކޮށްފައިވެ އެވެ. އޭގެ ތެރޭގައި ހުޅުމާލޭ ފުރަތަމަ ފިޔަވަހިން ޓޯކުރި 192 އުޅަނދާއި ހުޅުމާލޭ ދެވަނ ފިޔަވަހިން ޓޯކުރި 161 އުޅަނދު ހިމެނެ އެވެ.
ފުރަތަމަ ފިޔަވަހިން ޓޯކުރި 192 އުޅަނދުގެ ތެރެއިން އަށް އުޅަނދަކީ ގަވާއިދާ ހިލާފަށް ޕާކުކޮށްފައި ހުރި އުޅަނދެވެ. އިތުރު 37 އުޅަނދެއް ޓޯކުރީ ނުރައްކާތެރިކޮށް ދުއްވައިގެންނެވެ. އަދި ލައިސެންސް ނެތި ދުއްވި 147 އުޅަނދެއް ފުލުހުންވަނީ ޓޯކޮށްފަ އެވެ.
ހުޅުމާލޭ ދެވަނަ ފިޔަވަހިން ޓޯކުރި އުޅަނދުތަކުގެ ތެރެއިން 140 އުޅަނދަކީ ލައިސެންސް ނެތި ދުއްވައިގެން ޓޯކުރި އުޅަނދުތަކެވެ. އަދި ނުރައްކާތެރިކޮށް ދުއްވި ހަތް އުޅަނދެއް ފުލުހުންވަނީ ޓޯކޮށްފަ އެވެ.
ފުލުހުން އިތުރަށް ބުނީ ޓޯ ކޮށްފަައިވާ އުޅަނދުތަކުގެ ތެރެއިން ޓޯ ޔާޑުގައި ގިނަ ދުވަސްވެފައިވާ 205 އުޅަނދެއް ނައްތާލާފައިވާ ކަމަށެވެ. އޭގެ ތެރޭގައި ހިމެނެނީ 37 ކާރަކާއި، 114 ސައިކަލާއި، 84 ބައިސިލަކެވެ.
އޭގެ އިތުރަށް ހުޅުމާލޭގެ މަގުތަކުގައި ގަވާއިދާ ހިލާފަށް ޕާކުކޮށްފައި ހުރި 173 އުޅަނދެއް އެ އުޅަނދުތައް ހުރި ތަން ނޫން އެހެން ތަނަކަށް ބަދަލުކޮށްފައިވާ ކަމަށް ފުލުހުން ބުންޏެވެ.
ކޮމެންޓް
Republic of Maldives