ޒަކިއްޔާގެ ހަށިގަނޑު މާލެއަށް ގެންނަނީ
މާލެ ގެންނަނީ މަރުވި ސަބަބު ދެނެގަންނަން ޕޯސްޓްމޯޓަމް ހަދަން ކަމަށް ބެލެވެ އެވެ. ނަމަވެސް ތަފްސީލެއް ފުލުހުން ނުދެ އެވެ.
ނ.ހޮޅުދޫ ގެއެއްގެ ތެރެއިން ޒަހަމްތަކަކާއެކު މަރުވެފައި އޮތް އަންހެން މީހާގެ ހަށިގަނޑު މާލެ ގެންނަން ނިންމައިފި އެވެ.
ހޮޅުދޫ، ނިއުލައިފް / ޒަކިއްޔާ މޫސާ މަރުވެފައި އޮއްވާ ފެނުނީ މިއަދު ހެނދުނު އެވެ. އޭނާގެ ގައިގައި ފުން ޒަހަމެެއް ހުއްޓެވެ. ކައިރީގައި ބޮޑު ވަޅިއެއް އޮތެވެ.
މިއީ މީހަކު ހިންގި ގަތުލެއް ކަމެއް / ނޫން ކަމެއް ސާފެއް ނުވެ އެވެ. ޒަކިއްޔާގެ މަރާ ގުޅިގެން ހޮޅުދޫގައި ވެސް ވަނީ ނުތަނަވަސް ކަމެވެ.
ޒަކިއްޔާގެ ހަށިގަނޑު މިހާރު ވަނީ މާލެ ގެންނަން ދަތުރު ފަށާފަ އެވެ. މާލެ ގެންނަނީ މަރުވި ސަބަބު ދެނެގަންނަން ޕޯސްޓްމޯޓަމް ހަދަން ކަމަށް ބެލެވެ އެވެ. ނަމަވެސް ތަފްސީލެއް ފުލުހުން ނުދެ އެވެ.
މި މައްސަލައިގެ ތަހުގީގަށް މާލެއިން ހާއްސަ ތަހުގީގު ޓީމެއް ވަނީ ހޮޅުދޫ ގޮސްފަ އެވެ.
ޒަކިއްޔާއާއެކު އެގޭގައި އޭނާގެ ފިރިމީހާއާ ދަރިއަކާއި މާމަ ދެ ކުދީން އުޅެ އެވެ. ޒަކިއްޔާ މަރުވެފައި އޮއްވާ ފުރަތަމަ ފެނުނީ އެގެއަށް ކުނި ނަގަން ދިޔަ މީހަކަށެވެ.
ކޮމެންޓް
Republic of Maldives