ގުރުއާން ހިތުދަސްކުރާ ދަރިވަރުންނަށް ހިތްވަރު ދިނުން: އުމްރާއަށް ފޮނުވާ ތިން ހާފިޒުން ހޮވައިފި
ތިން ހާފިޒުން ނަކީ ވެސް ކުށެއް ނުޖެހި އެއްވަނަ ދަރަޖައިން ފާސްވެފައިވާ ދަރިވަރުންނެވެ.
ގުރުއާން ހިތު ދަސްކޮށް ނިންމާ ދަރިވަރުންނަށް ހިތްވަރު ދިނުމުގެ ގޮތުން އުމްރާ އަށް ފޮނުވުމުގެ ޕްރޮގްރާމެއް އިސްލާމިކް މިނިސްޓްރީން ފަށައި އުމްރާއަށް ފޮނުވާނެ ތިން ހާފިޒުން ހޮވައިފި އެވެ.
އެ ޕްރަގްރާމް ފެއްޓެވިކަން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އިއުލާނު ކުރެއްވީ މިދިޔަ މަހުގެ 27 ވަނަ ދުވަހު އެވެ. މިނިސްޓަރު ޝަހީމް މިހާރު ވަނީ މި ޕްރަގްރާމްގެ ދަށުން އުމްރާއަށް ފޮނުވާނެ ތިން ދަރިވަރެއްގެ ނަން އިއުލާނު ކުރައްވާފަ އެވެ.
- އަލީ އާރިފް
- އާސިރު އާރިފް ޔޫސުފް
- އަޒިން މުހައްމަދު
މި ތިން ދަރިވަރުންގެ ތެރެއިން އެއް ދަރިވަރަކީ ގުރުއާންގެ އާޔަތުގެ ނަމްބަރާ އެކު ގުރުއާން ހިތު ދަސްކޮށްފައިވާ ހާފިޒެކެވެ. ތިން ހާފިޒުން ނަކީ ވެސް ކުށެއް ނުޖެހި އެއްވަނަ ދަރަޖައިން ފާސްވެފައިވާ ދަރިވަރުންނެވެ.
ހާފިޒުން އިތުރުކުރުމަށް އިސްލާމިކް މިނިސްޓްރީން ދަނީ ގިނަ މަސައްކަތްތަކެއް ކުރަމުންނެވެ.
ކޮމެންޓް
Republic of Maldives