ރަސްދޫ މަގުމަތީ ބަރަހަނާ ފިލްމެއް ކުޅުނު މައްސަލައެއް
އެ މީހުން ވަނީ ދެ ޖިންސު މަސްހުނުވެ ރަސްދޫގެ މަގުތަކާއި ބީޗުގަައި ވެސް އެފަދަ މަންޒަރުތައް ނަގާފަ އެވެ.
އއ. ރަސްދޫ މަގުމަތީ ބަރަހަނާ ފިލްމެއް ކުޅުނު މައްސަލައެއް ފެންމަތިވެ އެކަން ފުލުހުން ބަލަން ފަށައިފި އެވެ.
އެ އަމަލު ހިންގީ ރަޝިޔާއަށް ނިސްބަތްވާ ބައެކެވެ. އެއީ ބަރަހަނާ އެފަދަ ފިލްމުތައް ކުޅޭ ގުރޭޕެކެވެ.
އެ މީހުން ވަނީ ދެ ޖިންސު މަސްހުނުވެ ރަސްދޫގެ މަގުތަކާއި ބީޗުގަައި ވެސް އެފަދަ މަންޒަރުތައް ނަގާފަ އެވެ. އެކަން ހާމަވީ އެ މީހުން އޭގެ ބައެއް މަންޒަރުތައް އާންމު ކުރުމުންނެވެ.
ދިވެހި ފުލުހުންގެ ހިދުމަތުން ދެންމެ ބުނީ ރަސްދޫ މަގުތަކާއި ބީޗުގައި ފަތުރުވެރީން ތަކެއް ބަރަހަނާ ފިލްމެއް ކުޅުނު މައްސަލަ އެއް އަދި އެފަދަ ޝަކުވާއެއް އެ އިދާރާއަށް ލިބިފައި ނެތް ކަމަށެވެ.
އެހެން ނަމަވެސް ސޯޝަލް މީޑިއާގައި އެފަދަ ވާހަކަތަކެއް ދައުރުވަމުންދާތީ ބަލަން ޖެހޭ ކަންކަން ބަލަމުންދާ ކަމަށެވެ.
ރާއްޖެ އަކީ ސައްތައިންސައްތަ އިސްލާމީ ގައުމެއް ކަމުން މިފަދަ ފާހިޝް މުޑުދާރު އަމަލުތައް ކުރުމަކީ ރާއްޖޭގައި މަނާ ކަންކަމެވެ. ދިވެހީންގެ އިސްލާމީ އަގީދާއާ ކުޅެ ދީނާ ހިލާފު ކަންކަން ރާއްޖޭގައި އާންމުކޮށް "ނޮމަލައިޒް" ކުރުމަށް ރޭވިގެން ވެސް މިފަދަ އެތައް ކަމެއް ހިންގަން މަސައްކަތް ކުރެ އެވެ.
ކޮމެންޓް
ބަލަ އެމްޑީޕީގެ އަންނި ސަރުކާރުގަ ގެސްޓުހައުސް ވިޔަފާރިއަށް ވަކު އުސޫލެއްނެތި ހުއްދަ ދިނީ ތިކަހަލަ ކަންކަން އާންމުކުރަންށޭ...އޭނައަށް ހުރިހާ ކަމެއް ހުއްދަ ނުކުރެވިގެން އުޅެނިކޮށް ވެރިކަމުން ބޭލީނު... އެހެން ނޫނަމަ ބަރ ތައްވެސް ތި ރައްރަށުގެ ހުންނާނެ. ނަމުގަ ޓޫރިސްޓުންނަށް ޚިދުމަތް ދިނުމަށް...ބޯނީ ރަށުގެ ޒުވާނުން.
Republic of Maldives