ދޫހިމިރީގައި ރޯވުން: 37 މީހަކު ހާލު ގައި ޖެހިއްޖެ
އެންޑީއެމްއޭ އިން ބުނި ގޮތުގައި އަލިފާނުގެ ހާދިސާއާ ގުޅިގެން 37 މީހަކު ވަނީ ހާލުގައި ޖެހިފަ އެވެ. އެއީ 22 ދިވެހީންނާއި 15 ބިދޭސީންނެވެ. އެ މީހުންނަށް މިހާރު ވަނީ އެހީތެރިކަން ފޯރުކޮށްދީފަ އެވެ.
މިއަދު ހިނގި އަލިފާނުގެ ހާދިސާއާ ގުޅިގެން 37 މީހަކު ހާލުގައި ޖެހިފައިވާ ކަމަށް ނެޝަަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.
އަލިފާން ރޯވެފައި ވަނީ ގާމަގު ކެފޭ ހުންނަ ހ. ދޫހިމިރިގޭގަ އެވެ.
އެންޑީއެމްއޭ އިން ބުނި ގޮތުގައި އަލިފާނުގެ ހާދިސާއާ ގުޅިގެން 37 މީހަކު ވަނީ ހާލުގައި ޖެހިފަ އެވެ. އެއީ 22 ދިވެހީންނާއި 15 ބިދޭސީންނެވެ.
އެ މީހުންނަށް ބޭނުންވާ އިންސާނީ އެހީތެރިކަން މިހާރު ފޯރުކޮށްދީފައިވާ ކަމަށް ވެސް ބުންޏެވެ.
މިއަދުގެ ހާދިސާގައި އިމާރާތަށް ބޮޑެތި ގެއްލުންތައް ލިބި ވަރަށް ބޮޑަށް އަނދާފައިވެ އެވެ.
އަލިފާން ނިއްވާލެވުނީ ވަރަށް ގިނަ އިރުގެ މަސައްކަތުންނެވެ. އަލިފާންގަނޑު ފެތުރުން ކޮންޓްރޯލް ކުރަން ފޯމް ވެސް ބޭނުން ކުރި އެވެ.
މިރޭ ވެސް އަލުން އެ އިމާރާތުގައި ރޯވެގެން ސިފައިންނާއި ފުލުހުން ވަނީ ހަރަކާތްތެރިވެފަ އެވެ.
ކޮމެންޓް
Republic of Maldives