އޭޖީ އޮފީހުގެ ޕާމަނަންޓް ސެކްރެޓަރީ އަކަށް ސުލްތާނާ
ސުލްތާނާ ވަނީ 2012 އިން ފެށިގެން 2019 އަށް ބަންޑާރަނައިބުގެ އޮފީހުގެ ޕާމަނަންޓް ސެކްރެޓަރީގެ މަގާމު ފުރާފަ އެވެ.
ސުލްތާނާ، ޕާމަނަންޓް ސެކްރެޓަރީގެ މަގާމަށް އައްޔަނުކޮށްފައި ވަނީ ބަންޑާރަނައިބުގެ އޮފީހުގައި މިއަދު ބޭއްވި ރަސްމިއްޔާތެއް ގައެވެ. އެކަމުގެ ލިޔުން އޭނާއާ ހަވާލުކޮށް ދެއްވީ ސިވިލް ސާވިސް ކޮމިޝަނުގެ ރައީސް މުހައްމަދު ނާސިހް އެވެ.
ސުލްތާނާ ވަނީ ނިއުޒިލޭންޑްގެ ޔުނިވާސިޓީ އޮފް ވައިކަޓޯއިން ބެޗެލާ އޮފް ސޯޝަލް ސައިންސަސް ފުރިހަމަ ކޮށްފަ އެވެ. އަދި މެލޭޝިޔާގެ ޔުނިވާސިޓީ އޮފް މަލާޔާ އިން މާސްޓާ އޮފް ޕަބްލިކް ޕޮލިސީ ހާސިލުކޮށްފައިވެ އެވެ.
އޭނާ ވަނީ ސަރުކާރުގެ ބައެއް އޮފީސްތަކާއި ޝަރުއީ ދާއިރާގެ އިތުރުން އަމިއްލަ ޖަމިއްޔާތަކުގައި ހިންގުމުގެ ދާއިރާ ގައި މަސައްކަތް ކޮށްފަ އެވެ. ސުލްތާނާ ވަނީ 2012 އިން ފެށިގެން 2019 އަށް ބަންޑާރަނައިބުގެ އޮފީހުގެ ޕާމަނަންޓް ސެކްރެޓަރީގެ މަގާމު ފުރާފަ އެވެ. އޭނާ އެންމެ ފަހުން ހުރީ ހައިކޯޓުގެ ޗީފް އެޑްމިނިސްޓްރޭޓަރު ކަމުގެ މަގާމުގަ އެވެ.
ކޮމެންޓް
Republic of Maldives