ކޮމިޝަނަރު އަލީ ޝުޖާއުގެ ބައްޕަ އަވަހާރަވެއްޖެ

ކޮމިޝަނަރު އޮފް ޕޮލިސް އަލީ ޝުޖާއުގެ ބައްޕަ އަބްދުއްސަލާމް އަލީ އަވަހާރަ ވެއްޖެ އެވެ.

އުތުުރުގެ ހޯރަފުއްޓަށް ނިސްބަތްވާ ސަލާމް އަކީ އިމާމެވެ. ވަރަށް ދިގު މުއްދަތެއް ވަންދެން އިމާމު ކަން ކުރެއްވި އެވެ.

ސަލާމް އަވަހާރަވުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ތައުޒިޔާ ވިދާޅުވެފަ އެވެ. ރައީސްގެ މެސެޖުގައި ވިދާޅުވީ ‏ސަލާމް އަވަހާރަވި ހަބަރު އަޑުއެހީ ފުން ހިތާމައާއެކު ކަމަށެވެ.

މަރުހޫމް އަބްދުއްސަލާމް އަކީ، ހޯރަފުށީގައި އިމާމުވެ ނަމާދުކުރެއްވުމުގައި ދިގު މުއްދަތެއް ހޭދަކުރައްވައި ރައްޔިތުންގެ އިހްތިރާމް ހޯއްދަވާފައިވާ ދީންވެރި، ހުލްގު ހެޔޮ ބޭފުޅެެއް ކަަމަށް ވެސް ވިދާޅުވި އެވެ.