ރާއްޖެގެ ސްޕޭސް ޓީމަށް ނާސާގެ އެސްޓްރޮނޯޓްގެ ތައުރީފު
ރާއްޖޭގެ ފުރަތަމަ ސްޕޭސް މިޝަންގެ މެއިން ޕާޓްނަރަކީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އެވެ މިޝަންގެ ޑައިރެކްޓަރަކަށް އައްޔަންކޮށްފައި ވަނީ އިންޑިއާގެ ތަޖުރިބާކާރެއް ކަމަށްވާ ޑރ. ސްރިމަތީ ކޭސަން އެވެ.
ރާއްޖޭގެ ފުރަތަމަ ޖައްވީ މިޝަނަށް ނާސާގެ ކުރީގެ އެސްޓްރޮނޯޓް ކެޕްޓަން ހެއިޑީމެރީ ސްޓެފަނީޝީން ޕައިޕާ ތައުރީފު ކުރައްވައިފި އެވެ.
ރާއްޖޭގެ ސްޕޭސް ޕްރޮގްރާމް ކުރިއަށް ގެންދާ އިންސްޓިޓިއުޓް ފޯ ގްލޯބަލް ސަކްސަސް (އައިޖީއެސް) އާއެކު ރާއްޖޭގައި ހުންނަ އެމެރިކަން ސެންޓަރުގައި ބޭއްވި ބައްދަލުވުުމެއްގައި ހެއިޑީގެ އިތުރުން އެމެރިކާގެ އޮފިޝަލުން ވަނީ ބޮޑެތި ގޮންޖެހުންތަކާ އެކުވެސް ރާއްޖޭއިން ސެޓެލައިޓެއް ލޯންޗް ކުރުމަށް ކުރާ މަސައްކަތް ފާހަގަކޮށް އެކަމަށް ތައުރީފް ކުރައްވާފަ އެވެ. އަދި އެ ބައްދަލުވުމުގައި ރާއްޖޭގެ އައިޖީއެސްގެ ސީއީއޯ ރިފްއަތު މުހައްމަދު ވަނީ އެމެރިކާގެ އޮފިޝަލުންނަށް މައުލޫމާތު ދެއްވާފަ އެވެ.
ރާއްޖޭގެ ސްޕޭސް ޓީމަށް ނެނޯ ސެޓެލައިޓް އިންޖިނިއަރިން ޕްރޮފެޝަނަލް ކޯހުގެ ސެޓްފިކެޓް ހަވާލު ކުރުމަށް ސޯޝަލް ސެންޓަރުގައި ބޭއްވި އެ ރަސްމިއްޔާތު ޝަރަފްވެރި ކޮށްދެއްވާ ސެޓްފިކެޓް ހަވާލު ކޮށްދެއްވީ ވެސް ހެއިޑީ އެވެ. ސެޓެލައިޓް ޑިޒައިންކޮށް، ބިލްޑްކޮށް، ލޯންޗްކޮށް ސައިންޓިފިކް ރިސާޗް ހަދަން ދަސްކޮށްދޭ މިކޯސް ކުރިއަށް ގެންގޮސްފައި ވަނީ އެމެރިކާގެ ކޭއެސްއެފް ސްޕޭސް ފައުންޑޭޝަނުންނެވެ.
ރާއްޖޭގެ ފުރަތަމަ މިޝަންގެ އަމާޒަކީ ރާއްޖޭގެ ފުރަތަމަ ޕްރޮޓޮޓައިޕް ސެޓެލައިޓް ހަދާ ޓެސްޓް ކުރުމެވެ. މިއީ ދުނިޔެ ހޫނުވުމާއި މޫސުމަށް އަންނަ ބަދަލުތައް ދެނެގަތުމަށް ބޭނުންވާ މައުލޫމާތު އެއްކުރަން އަޖުމަ ބެލުމުގެގޮތުން ހަދާ ސެޓެލައިޓެކެވެ. މި މިޝަނަށް ދީފައިވާ ނަމަކީ "އަޒުމް" އެވެ
ރާއްޖޭގެ ފުރަތަމަ ސްޕޭސް މިޝަންގެ މެއިން ޕާޓްނަރަކީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އެވެ މިޝަންގެ ޑައިރެކްޓަރަކަށް އައްޔަންކޮށްފައި ވަނީ އިންޑިއާގެ ތަޖުރިބާކާރެއް ކަމަށްވާ ޑރ. ސްރިމަތީ ކޭސަން އެވެ. އޭނާ އަކީ 2017 ގައި ނާސާ އިން ލޯންޗުކުރި ދުނިޔޭގެ އެންމެ ކުޑަ ސެޓްލައިޓްގެ މިޝަންގެ ވެސް ޑައިރެކްޓަރެވެ.
ކޮމެންޓް
Republic of Maldives