ޑްރަގް ގެންގުޅުނު ކާށިދޫ މުދިމުގެ ވަނަވަރު ނެރެފި
ފުލުހުން ވަނީ އޭނާގެ ވަނަވަރު މިއަދު އާންމުކޮށްފަ އެވެ. އެއީ އުމުރުން 37 އަހަރުގެ ޣާނިމް ސަލީމެވެ.
ކ. ކާށިދޫ މިސްކިތު މުދިމު މަސްތުވާތަކެއްޗާ އެކު ހައްޔަރުކޮށްފައި ވަނިކޮށް އޭނާގެ ވަނަވަރު ފުލުހުން ދެންމެ އާންމުކޮށްފި އެވެ.
ކާށިދޫ މިސްކިތު މުދިމު ހައްޔަރު ކުރީ ރޭގެ ކުރީގެ އެ ރަށު މަގުމަތީންނެވެ. އޭނާ ހައްޔަރުކޮށް ބަލާ ފާސްކުރިއިރު މަސްތުވާތަކެތި ފެނިފައިވެ އެވެ.
ފުލުހުން ވަނީ އޭނާގެ ވަނަވަރު މިއަދު އާންމުކޮށްފަ އެވެ. އެއީ އުމުރުން 37 އަހަރުގެ ޣާނިމް ސަލީމެވެ.
އޭނާ އަކީ ކުރީން ވެސް އެފަދަ މައްސަލައެއްގައި ބެނދިފައިވާ މީހެކެވެ. އެ ފަހަރު ވަޒީފާ އިން ވެސް ވަކިކުރި އެވެ. ނަމަވެސް އެ މައްސަލަ އޭނާ ވަނީ ވަޒީފާއާ ބެހޭ ޓްރައިބިއުނަލް އަށް ހުށައަޅާފަ އެވެ. އެ ތަނުން ކާމިޔާބު ހޯދައިގެން އަލުން ވަޒީފާ ހޯދީ އެވެ.
އެ މީހާގެ ބަންދާމެދު ގޮތް ނިންމަން އިއްޔެ ވަނީ ކާށިދޫ މެޖިސްޓްރޭޓް ކޯޓަށް ހުށައަޅާފަ އެވެ. ކޯޓުން ވަނީ އޭނާގެ ބަންދަށް 13 ދުވަސް ދީފަ އެވެ.
ކޮމެންޓް
Republic of Maldives