ޕާކިސްތާނުގެ މިނިވަން ދުވަހުގެ ތަހުނިޔާ ރައީސް ފޮނުއްވައިފި
ރައީސް ވަނީ ޕާކިސްތާނަކީ އަބަދުވެސް އަމާން އަދި އެއްބައިވަންތަ ގައުމެއްގެ ގޮތުގައި ދެމި އޮތުމަށް ދުއާ ކުރައްވާފަ އެވެ.
ޕާކިސްތާނުގެ މިނިވަން ދުވަހާ ގުޅިގެން ރައީސް މިއަދު ފޮނުއްވި ހާއްސަ މެސެޖުގައި، އެ ގައުމުގެ ރައީސް އަލީ ޒަރްދަރީ އަދި ބޮޑުވަޒީރު ޝެހެނާޒް ޝަރީފަށް ތަހުނިޔާ ފޮނުއްވާފައިވެ އެވެ. ޕާކިސްތާނުގެ ރައްޔިތުންނަށް ވެސް އެ މެސެޖުގައި ދުވަހުގެ ތަހުނިޔާ ފޮނުއްވާފައިވެ އެވެ.
ރައީސް ވަނީ ޕާކިސްތާނަކީ އަބަދުވެސް އަމާން އަދި އެއްބައިވަންތަ ގައުމެއްގެ ގޮތުގައި ދެމި އޮތުމަށް ދުއާ ކުރައްވާފަ އެވެ.
"ކުރިއަށް އޮތް އަހަރުތަކުގައި ރާއްޖޭއާ ޕާކިސްތާނާއެކު އޮތް ގާތް ގުޅުން އިތުރަށް ބަދަހިވެގެންދާނެ ކަމުގެ ޔަގީން އެބައޮތް،" ރައީސްގެ މެސެޖުގައި ފާހަގަކުރައްވާފައިވެ އެވެ.
މިއަދަކީ އިނގިރޭސިންގެ އަތްދަށުން ޕާކިސްތާނު މިނިވަންވެފައިވާ ދުވަހެވެ. ޕާކިސްތާނު މިނިވަންވެފައި ވަނީ އޮގަސްޓް 14، 1947 ގައެވެ.
ކޮމެންޓް
Republic of Maldives