އެމްއެެމްއޭގެ އެމްޑީގެ މަގާމަށް ފަސް ބޭފުޅަކު ހޯދުން؛ އެކަން ހުއްޓާލަން ނާޒިމް ގޮވާލައްވައިފި

ދިވެހި ރާއްޖޭގެ މަރުކަޒީ ބޭންކް، އެމްއެމްއޭ މެނޭޖިން ޑިރެކްޓަރުގެ މަގާމަށް ފަސް މީހަކު ހޯދުމަށް އިއުލާނު ކުރުމުން އެ ނިންމުން ބަދަލު ކުރަން މޯލްޑިވްސް ނެޝަނަލް ޕާޓީގެ ރައީސް / މާފަންނު އުތުރު ދާއިރާގެ މެންބަރު މުހައްމަދު ނާޒިމް ގޮވާލައްވައިފި އެވެ.

މަރުކަޒީ ބޭންކް، އެމްއެމްއޭ މެނޭޖިން ޑިރެކްޓަރުގެ މަގާމަށް ފަސް މީހަކު ހޯދުމަށް އިއުލާނު ކުރީ މި މަހުގެ 8 ވަނަ ދުވަހުގެ ރެ އެވެ.

ސަރުކާރު ހިންގާ ކޯލިޝަންގެ ލީޑަރެއްގެ ގޮތުގައި ހުންނެވި ނާޒިމް ވަނީ މިހާރު އޮތް އިގްތިސަދީ ދަތިކަމުގެ ތެރޭގައި އެމްއެމްއޭއަށް ފަސް މެނޭޖިން ޑިރެކްޓަރުން އައްޔަން ކުރުމަކީ ދައުލަތުން އުފުލަންޖެހޭ އިތުރު މާލީީ ބުރައެއް ކަމަށް ވިދާޅުވެ އެކަމާއި ކަންބޮޑުވުން ފާޅު ކުރައްވާފަ އެވެ.

"... އެހެންކަމުން ހަރަދު ކުޑަ ކުރުމަށް ލީޑާޝިޕްގެ ސްޓްރަކްޗާ ހަރުދަނާ ކުރުމަށް އެމްއެމްއޭގެ ގަވަރުނަރަށް އިލްތިމާސް ކުރަން،" ރާއްޖޭގެ އެންމެ ބޮޑު ކޮންސްޓްރަކްޝަން ކުންފުނި، އާރުސީސީ ވެސް ހިންގަވާ ކުރީގެ ޑިފެންސް މިނިސްޓަރު ނާޒިމް، އެކްސްގައި ކުރެއްވި ޕޯސްޓްގައި ވިދާޅުވި އެވެ.

އެމްއެމްއޭ އިން ކުރި އިއުލާނުގައި ވާ ގޮތުން ޖުމްލަ ފަސް ދާއިރާއަަކަށް އެމްޑީން ހޯދަ އެވެ. އެއީ؛

މަގާމުގެ މުސާރައާ އިނާޔަތުގެ ގޮތުގައި ކަނޑައަޅާފައި ވަނީ 50،000 - 55،000 ރުފިޔާ އެވެ.