ޑިމޮކްރެޓްސް އަކީ ސަރުކާރުގެ ބައިވެރިއެއް ނޫން: ހަސަން
ސަރުކާރާއި ޑިމޮކްރެޓްސްގެ ބައްދަލުވުމުގައި ގާނޫނު އަސާސީ އިސްލާހު ކުރާއިރު ވަކި ގޮތަކަށް ކަންކަން ހުންނަން ޖެހޭނެކަން ފާހަގަކޮށް ރައީސް މުއިއްޒަށް ލިޔުމެއް އަރުވާފައިވެ އެވެ.
"ދަ ޑިމޮކްރެޓްސް" އަކީ ރައީސް ޑރ. މުހައްމަދު މުއިއްޒުގެ ސަރުކާރު ބައިވެރިއެއް ނޫން ކަމަށް އެ ޕާޓީން ބުނެފި އެވެ.
ޑިމޮކްރެޓްސްގެ ރައީސް ހަސަން ލަތީފު ރޭ ރާއްޖެޓީވީގެ ޕްރޮގްރާމެއްގައި ބައިވެރިވެ ވަޑައިގެން ވިދާޅުވީ ދާދި ފަހުން ރައީސް މުއިއްޒާއެކު ޑިމޮކްރެޓްސްގެ ބައްދަލުވުމެއް ބޭއްވީ ގާނޫނު އަސާސީ އިސްލާހު ކުރަން އެ މަނިކުފާނު ފައްޓަވާ މަސައްކަތުގައި އެ ޕާޓީން ބައިވެރިވާން ބޭނުންވާ ވާހަކަ ދަންނަވަން ކަމަށާއި އެ ކަމުގައި ޑިމޮކްރެޓްސް ދެކޭ ގޮތް ހިމަނަން ވަރަށް ބޮޑަށް ބޭނުންވާ ކަމަށެވެ.
އަދި ވިދާޅުވީ ގާނޫނު އަސާސީ އިސްލާހު ކުރުމާ ގުޅޭ ގޮތުން ރައީސް މުއިއްޒާ ޑިމޮކްރެޓްސްއިން ބައްދަލު ކުރުމަކީ ހައިރާން ވާންޖެހޭ ވަރުގެ ކަމެއް ނޫން ކަމަށެވެ.
އޭގެ އިތުރު ތަފުސީލެއް ވެސް ދެއްވެވި އެވެ:
"އޭގެ މާނައަކީ ސަރުކާރުގެ ކޯލިޝަން ޕާޓްނަރަކަށް ވީއެއް ނޫން! އެގޮތަށް އެ މަސައްކަތް ކުރަން ނިންމީއެއް ވެސް ނޫން،" ހަސަން ވިދާޅުވި އެވެ.
ހަސަން ލަތީފު ވިދާޅުވީ އެ ބައްދަލުވުމުގައި ގާނޫނު އަސާސީ އިސްލާހު ކުރާއިރު ވަކި ގޮތަކަށް ކަންކަން ހުންނަން ޖެހޭނެކަން ފާހަގަކޮށް ރައީސް މުއިއްޒަށް ލިޔުމެއް އަރުވާފައިވާނެ ކަމަށެވެ.
ކޮމެންޓް
ގައިމު މި ސަރުކާރުގެ ބައިވެރިއެކޭ ކިޔައިގެން އުޅުނީ ކުރިން. އެދުނު މަގާމު ނުލިބުނީމަ މިހާރު ދެން ކޯއްޗެކޭ ކިޔާކަށް
Republic of Maldives