އިންޑިއާގެ އެކްސްޓާނަލް އެފެއާޒް މިނިސްޓަރު، ޖައިޝަންކަރު ރާއްޖެ ވަޑައިގަންނަވަނީ
ޖައިޝަންކަރު ރާއްޖެ ވަޑައިގަންނަވާއިރު ފަހަކަށް އައިސް ދިވެހި-އިންޑިއާގެ ގުޅުން ވަނީ ރަނގަޅުވާން ފަށާފަ އެވެ. ރާއްޖޭގެ ފޮރިން މިނިސްޓަރާއި ޓޫރިޒަމް މިނިސްޓަރު ވަނީ އިންޑިއާއަށް ރަސްމީ ދަތުރުފުޅުތައް ކުރައްވާފަ އެވެ.
އިންޑިއާގެ އެކްސްޓާނަލް އެފެއާޒް މިނިސްޓަރު، ޑރ. އެސް ޖައިޝަންކަރު ރަސްމީ ދަތުރުފުޅެއްގައި ރާއްޖެ ވަޑައިގަންނަވަން ހަމަޖެހިއްޖެ އެވެ.
މިކަން އިންޑިއާގެ ނޫސްތަކުގައި ވަނީ ރިޕޯޓްކޮށްފަ އެވެ. އަދި މިއީ ރައީސް، ޑރ. މުހައްމަދު މުއިއްޒު ވެރިކަމުގައި އިންޑިއާގެ އިސް އޮފިޝަލަކު ރާއްޖެއަށް ކުރައްވާ ރަސްމީ ފުރަތަމަ ދަތުރުފުޅެވެ.
މިނިސްޓަރު ޖައިޝަންކަރު ރާއްޖެ ވަޑައިގަންނަވާނީ އަންނަ އޮގަސްޓް މަހުގެ ނުވަ ވަނަ ދުވަހު، ތިން ދުވަހުގެ ދަތުރުފުޅެއްގަ އެވެ. މި ދަތުރުފުޅުގައި ރައީސް މުއިއްޒާއި ފޮރިން މިނިސްޓަރު މޫސާ ޒަމީރާއި ބައްދަލު ކުރައްވާނެ އެވެ.
ޖައިޝަންކަރު ރާއްޖެ ވަޑައިގަންނަވާއިރު ފަހަކަށް އައިސް ދިވެހި-އިންޑިއާގެ ގުޅުން ވަނީ ރަނގަޅުވާން ފަށާފަ އެވެ. ރާއްޖޭގެ ފޮރިން މިނިސްޓަރާއި ޓޫރިޒަމް މިނިސްޓަރު ވަނީ އިންޑިއާއަށް ރަސްމީ ދަތުރުފުޅުތައް ކުރައްވާފަ އެވެ.
ކޮމެންޓް
Republic of Maldives