އެކުގައި މަސައްކަތްކުރަން ޑިމޮކްރެޓުން ރައީސާއެކު މަޝްވަރާ ކޮށްފި
މި ބައްދަލުވުން ބޭއްވި އިރު ޑިމޮކްރެޓްސްގެ އިސް ބައެއް ބޭފުޅުން ރައީސާ ބައްދަލު ކުރެއްވުމުން އެ ޕާޓީގެ ތެރޭގައި ވެސް ވަނީ ހިޔާލުތަފާތުވުންތަކެއް އުފެދިފައިވާ ކަމަށް ވެއެވެ.
އެމްޑީޕީއާއެކު ސަރުކާރާ ދެކޮޅަށް މަސައްކަތް ކުރުމަށް ފަހު، އަނެއްކާވެސް ސަރުކާރާ އެކުގައި މަސައްކަތްކުރަން ދަ ޑިމޮކްރެޓްސް އިސް ބޭފުޅުންތަކެއް ރައީސް ޑރ. މުހައްމަދު މުއިއްޒާ ބައްދަލު ކުރައްވައިފި އެވެ.
އެ ޕާޓީގެ އިސް ވެރިންގެ ތެރެއިން ޕާޓީގެ ރައީސް ހަސަން ލަތީފާއި ނައިބު ރައީސް މުހައްމަދު ޝިފާޒް ވަނީ އިއްޔެ ރައީސް މުއިއްޒާ ބައްދަލު ކުރައްވާފަ އެވެ.
ޝިފާޒް ވިދާޅުވީ، ރައީސް މުއިއްޒާއެކު މަޝްވަރާކުރީ ގާނޫނުއަސާސީއަށް ބަދަލުތަކެއް ގެންނަވާނެ ކަމަށް އެ މަނިކުފާނު އިއުލާނު ކުރައްވާފައި އޮތުމުން އެ މަސައްކަތުގައި ސަރުކާރާ ގުޅިގެން މަސައްކަތްކުރަން ކަމަށެވެ.
އަދި ޑިމޮކްރެޓްސްގެ ސިޔާސަތުތަކުގެ ތެރެއިން ރައީސް މުއިއްޒުގެ ސަރުކާރަށް ތަންފީޒު ކުރެވޭނެ ސިޔާސަތުތަކާ ގުޅޭ މަޝްވަރާތައް ވެސް ހިނގި ކަމަށް ވެއެވެ.
"ސަރުކާރުން ގާނޫނުއަސާސީ އިސްލާހު ކުރާއިރު ޑިމޮކްރެޓްސްއިން ބައިވެރިވާ ކަމަށްވަންޏާ ސަރުކާރާ އެކީގައި ކުރާ މަސައްކަތަކަށްތާ ވާނީ" އޭނާ ވިދާޅުވިއެވެ.
ފާހަގަ ކޮށްލެވޭ ގޮތުގައި މި ފަހާ ޖެހެން ދެން ވެސް ޑިމޮކްރެޓްސްގެ އިސް ބޭފުޅުން، ހަސަން ލަތީފް ވެސް ހިމެނޭ ގޮތަށް ވަނީ ރައީސް މުއިއްޒާއި މި ސަރުކާރަށް އަމާޒުކޮށް ވަރަށް ބޮޑަށް ފާޑު ވިދާޅުވެފައެވެ. އެ ގޮތުން، މި ސަރުކާރުން ވަޒީފާގެ ބިރު ދައްކާ ކަމަށް ވެސް ޑިމޮކްރެޓްސްއިން މީގެ ކުރިން ވަނީ ތުހުމަތުކޮށްފައެވެ.
މި ބައްދަލުވުން ބޭއްވި އިރު ޑިމޮކްރެޓްސްގެ އިސް ބައެއް ބޭފުޅުން ރައީސާ ބައްދަލު ކުރެއްވުމުން އެ ޕާޓީގެ ތެރޭގައި ވެސް ވަނީ ހިޔާލުތަފާތުވުންތަކެއް އުފެދިފައިވާ ކަމަށް ވެއެވެ.
ކޮމެންޓް
Republic of Maldives