ޑޯމަންޓް 42،800 އެކައުންޓް | ހަ މިލިއަން ޑޮލަރާއި 160 މިލިއަން ރުފިޔާ
ޑޯމަންޓް އެކައުންޓްތަކުގައި ހުރި ފައިސާ އޭގެ ވެރިންނަށް ނެގޭނެ އެވެ. އެކަން ކުރުމަށް އެމްއެމްއޭއިން އިލްތިމާސް ކުރެ އެވެ.
ރާއްޖޭގައި އެއްވެސް މުއާމަލާތެއް ނުކުރާތާ ފަސް އަހަރަށްވުރެ ގިނަ ދުވަސްވީ 42،800 ބޭންކް އެކައުންޓް ހުރިއިރު މި އެކައުންޓްތަކުގައި ހަ މިލިއަން ޑޮލަރާއި 160 މިލިއަން ރުފިޔާ އެބަހުއްޓެވެ. މި އެކައުންޓުތަކުގެ ވެރިންނަށް މި ފައިސާ ނެގޭނެ ގޮތް އެމްއެމްއޭ އިން ކިޔައިދީފި އެވެ.
އެމްއެމްއޭ އިން ބުނީ ބޭންކުތަކުގައި އެކައުންޓް ހުރިނަމަވެސް އެއްވެސް މުއާމަލާތެއް ނުކުރާ ޑޯމަންޓް އެކައުންޓުގެ ގޮތުގައި 42،800 އެކައުންޓެއް އެބަހުރި ކަމަށާ ނަމަވެސް މި އެކައުންޓުގައި ހުރި ފައިސާ އެމްއެމްއޭ އަށް ބޭންކުން ފޮނުވުމުން އޭގެ ހައްގު ވެރިންނަށް ރައްކާތެރިކަމާއެކު ނެގޭނެ އެވެ.
ޑޯމަންޓް - މި ބާވަތުތެ އެކައުންޓަކީ ބޭނުން ނުކުރާ އެއްވެސް މުއާމަލާތެއް ނުކުރާތާ ފަސް އަހަރަށްވުރެ ގިނަ ދުވަސްވީ ބޭންކް އެކައުންޓް ތަކެވެ. މި ބާވަތުގެ އެކައުންޓްތައް ފަސް އަހަރަށްވުރެ ގިނަ ދުވަސްވުމުން ބޭންކުން ކަސްޓަމަރަށް ސިޓީއަކުން އަންގާފަ އެވެ. އަދި އަދި މަދުވެގެން ހަ ދުވަސް ފަހުން އެ އެކައުންޓުގައި ހުރި ފައިސާ އެމްއެމްއޭ އަށް ފޮނުވާނެ އެވެ. އަދި އެ ފައިސާ ނުނަގައިފިނަމަ ފަސް އަހަރު ފަހުން އެ ފައިސާ ފިނޭންސަށް ފޮނުވާނެ އެވެ. ފިނޭންސަށް ފޮނުވި ނަމަވެސް އެ ފައިސާ އެކައުންޓުގެ ވެރި ފަރާތަށް ނެގޭނެ އެވެ.
ނަގާނީ ކިހިނެއް ؟ - މި ފައިސާ ނަގަން ހާއްސަ ފޯމެއް އޮންނާނެ އެވެ. މަރުވެފައިވާ މީހެއްގެ އެކައުންޓުގައި ހުރި ފައިސާ ހޯދަން ހުށަހަޅާނީ ކޯޓް މެދުވެރިކޮށެވެ. މިގޮތަށް ނަގާ ފައިސާއަކީ ކުންފުންޏެއްގެ އެކައުންޓެއްނަމަ ބޭނުންވާނީ ބޭންކާއެކު އެއްބަސްވެފައިވާ ފަރާތް ނުވަތަ ފަރާތްތަކުގެ ސޮޔާއެކު ކްލައިމް ފޯމެއް ބޭނުންވާނެ އެވެ. މި ފޯމް ފުރުމަށްފަހު ބޭންކްއަށް އެ ފޯމް ހުށަހަޅަން ޖެހެ އެވެ. އަދި އެ ފޯމް ވެރިފައި ކުރުމަށްފަހު ބޭންކުން އެމްއެމްއޭއަށް އަންނާނެ އެވެ. އަދި އެ ފައިސާ އެމްއެމްއޭއިން ދޫކުރާނެ އެވެ.
ޑޯމަންޓް އެކައުންޓުގައި ހުރި ފައިސާ ނެގުމަކީ ދިގު ޕްރޮސެސް އެކެވެ. އެހެންވެ މި ހާލަތަށް އެކައުންޓު ދިޔަ ނުދިނުމަކީ އެންމެ މުހިންމު އެއް ކަމެވެ.
ކޮމެންޓް
Republic of Maldives